Yowanane 5:24 - MUKANDA WA MYIDI MUKULU

²⁴ Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Yowanane 5:24 ပူးပေါင်းရင်းမြစ်များ

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Marke 16:16

Muntu udi witaba, bamutue mu mayi, neapande. Kadi wabenga kuitaba neapete tshibawu.

Yowanane 11:26

Yonsu udi ne muoyi, ungitaba, kena ufua nansha. Udi witaba nanku anyi?

Yowanane 12:44

Yezu kuela diyi dikole ne: — Muntu udi ungitaba, kena ungitaba nkayanyi, kadi udi witaba kabidi uvua muntume.

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 3:18

Muntu udi witaba Muana kabena bamupisha. Kadi udi ubenga kumuitaba, mbamane kumupisha, bualu kavua muitabe Muana mulela umue wa Mvidi Mukulu.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 4:36

Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Yowanane 6:47

Ndi nnujadikila ne: muntu udi witaba, udi ne muoyi wa tshiendelele.

Yowanane 6:50

Diampa didi difuma mu diulu didi nunku, muntu udi udidia kena ufua to.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Yowanane 6:58

Edi ke diampa difume mu diulu. Kadiena bu divuabu badie kudi bankambua benu bakadi bamane kufua. Muntu udi udia diampa edi neikale ne muoyi tshiendelele.

Yowanane 8:51

Ndi nnujadikila ne: muntu udi utumikila miaku yanyi, katshia kena ufua to.

Rome 8:1

Nanku mpindiewu kabena bapisha kabidi badi badisanga ne Yezu Kristu.

1 Tesalonike 5:9

Bualu Mvidi Mukulu kavua mutusungule bua kuhkengesha ne tshiiji, kadi amu bua tupete lupandu kudi Mfumu wetu Yezu Kristu.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

1 Yone 3:14

Tudi bamanye ne: tudi bapatuke mu lufu, bua kubuela mu muoyi. Tudi bajadike nanku, bualu tudi tunanga bana hetu. Udi kayi unanga, utshidi mu lufu.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.