Yowanane 5:20 - MUKANDA WA MYIDI MUKULU

²⁰ Bualu Tatu udi munange Muana, unuleja bionsu bidiye wenza. Neamuleje malu a kuenza mapite aa bunene. Malu awu neanukemeshe.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu bua Tatu udi musue Muana, udi umulesha malu onso atshidiye wenza; yeye neamuleshe malu a kukema matambe â, bua nuenu kukema.

Yowanane 5:20 ပူးပေါင်းရင်းမြစ်များ

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Matayi 4:8

Diabolu kufikisha Yezu kabidi pa mukuna mule mutumbuke, kumuleja makalenga onsu a pa buloba ne buneme buawu,

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 10:32

Ke Yezu kubambila ne: — Ndi mukuate midimu mivule mimpe ku mesu enu ne bumfumu buvua Tatu mumpeshe. Ku midimu eyi, mbua mudimu kaayi bunudi basue kunshipela ne mabue?

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 17:26

Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Yowanane 3:35

Tatu mmunange Muana; mmuteke bionsu ku bumfumu buende.

Yowanane 5:21

Bualu bu mudi Tatu ubisha bantu bafue, ubapingajila muoyi, ke mudi Muana upesha bantu badiye musue muoyi.

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Yowanane 5:29

Nebapatuke mu nkita yabu. Bavua benza bimpe nebabike bua kupeta muoyi. Kadi bavua benza bibi nebabike bua babapishe.

2 Petro 1:17

Diba divuaye mupete lumu ne butumbi kudi Mvidi Mukulu Tatu, tuvuapu. Diyi divua difuma ku butumbi bua kulu, diamba ne: “Ewu ke Muananyi undi munange. Udi unsankisha bikole.”