Yowanane 5:18 - MUKANDA WA MYIDI MUKULU

¹⁸ Biangatshile ku diba adi, bamfumu ba bena Yuda bavua bakeba bikole kumushipa, bualu uvua mushipe mukenji wa dituku dia Dikisha, kabidi uvua muambe ne: Mvidi Mukulu ke Tatuanyi menemene, uditeka nanku mulongu umue ne Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bua bualu ebu Bena Yuda bakatamba kukeba mua kumushihabo, bua yeye wakashiha mukenshi wa Lumingu, ne bua wakubikila Nzambi ne, Ntatu wanyi, udivuisha muomumue ne Nzambi.

Yowanane 5:18 ပူးပေါင်းရင်းမြစ်များ

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Matayi 12:5

Kanuena babale kabidi mu mikenji ya Moshe mudi batuangaji mu nzubu wa Mvidi Mukulu bakuata mudimu, nansha dituku mene dia Dikisha. Nanku kabena balame mikenji ya dituku dia Dikisha to. Kadi kabena ne tshilumbu nansha.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 10:30

Tatu ne meme tudi tshintu tshimue.

Yowanane 10:33

Bena Yuda kuandamuna ne: — Katuena basue kukushipa ne mabue bua mudimu muimpe uudi ukuata, kadi bualu udi usendeka Mvidi Mukulu. Wewe udi amu muntu, kadi udi musue kudienza Mvidi Mukulu.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Yowanane 19:7

Bena Yuda kumuandamuna ne: — Tudi ne mikenji, bilondeshile mikenji eyi, muntu ewu udi ne bua kufua. Bualu uvua muambe ne: ndi Muana wa Mvidi Mukulu.

Yowanane 5:15

Muntu awu kuya, kuambila bamfumu ba bena Yuda ne: Yezu ke uvua mujikije disama dianyi.

Yowanane 5:16

Bamfumu ba bena Yuda kufikila Yezu munda bikole, bualu uvua muenze bualu ebu dituku dia Dikisha.

Yowanane 5:17

Kadi Yezu kubandamuna ne: — Tatu wanyi udi ukuata mudimu diba dionsu. Meme kabidi ndi nkuata mudimu.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 7:1

Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa.

Yowanane 7:19

Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Yowanane 8:54

Yezu kubandamuna ne: — Bu meme nditumbisha nkayanyi, butumbi buanyi kabuvua mua kuikala ne mushinga to. Udi untumbisha nTatu wanyi, Yeye unudi nuamba ne: “Udi Mvidi Mukulu wetu.”

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Filipe 2:6

Konsu eku uvua anu mulongu umue ne Mvidi Mukulu. Kadi kavua muuminyine ku bu-Mvidi Mukulu buende.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

Didimanyisha 22:3

Mu tshimenga kamuakuikala kabidi tshintu tshidi Mvidi Mukulu mutshipe. Nkuasa wa butumbi wa Mvidi Mukulu ne wa Muana wa mukoku neikale mu tshimenga. Bantu ba Mvidi Mukulu nebamukukuile.