Yowanane 5:17 - MUKANDA WA MYIDI MUKULU

¹⁷ Kadi Yezu kubandamuna ne: — Tatu wanyi udi ukuata mudimu diba dionsu. Meme kabidi ndi nkuata mudimu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kadi Yesu wakabandamuna ne, Tatu wanyi udi ukuata mudimu tô ne katataka, ne meme kabidi ndi ngukuata.

Yowanane 5:17 ပူးပေါင်းရင်းမြစ်များ

Misambu 65:6

Mvidi Mukulu mutupandishi wetu, wewe nkayebe udi ukumbaja biudi ulaya, wenzela bantu badi bakutendelela malu a dikema. Ke mudi bantu pa buloba bujima batekemena kuudi, nansha badi basomba mu bidila bidi kule.

Yeshaya 40:26

Tangila mu diulu muamua. Monayi mudiye mufuke mitotu, muvuaye muyipatule bungi buayi, bu tshiluilu tshia bilobu. Udi muyiteke yonsu bua imukuatshile mudimu. Bu mudiye ne bukole bupite bunene, kabidi ne bumfumu, yonsu idi yitaba diyi diende, padiye uyibikila, uyituma.

Matayi 10:29

Nyunyi ya mishamisha ibidi, kabena bayisumbisha ku dikuta dimue anyi? Kadi nansha umue wa kudiyi kena mua kupona panshi, Tatuenu Mvidi Mukulu kayi mumanye.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 14:10

Kuena witaba ne: ndi munda mua Tatu, kabidi Tatu udi munda muanyi anyi? Miaku indi nnuambila buonsu buenu kayena ifuma kundi. Kadi Tatu udi ushala munda muanyi, ke udi ukumbaja midimu yende.

Yowanane 5:16

Bamfumu ba bena Yuda kufikila Yezu munda bikole, bualu uvua muenze bualu ebu dituku dia Dikisha.

Yowanane 5:18

Biangatshile ku diba adi, bamfumu ba bena Yuda bavua bakeba bikole kumushipa, bualu uvua mushipe mukenji wa dituku dia Dikisha, kabidi uvua muambe ne: Mvidi Mukulu ke Tatuanyi menemene, uditeka nanku mulongu umue ne Mvidi Mukulu.

Yowanane 9:4

Patutshidi mu munya, tudi ne bua kukuata midimu ya uvua muntume. Butuku bukadi pa kuila, budi muntu nansha umue kayi mua kukuata mudimu.

Bienzedi 14:17

Kadi uvua udimanyisha matuku onsu mu malu mimpe avuaye wenza: udi unulokeshila mvula, ubobesha bikunyibua mu tshikondu tshiabi, unupa biakudia, usankisha mioyi yenu.

Bienzedi 17:28

bualu “Munda muende tudi ne muoyi, munda muende tudi mua kunyunga, tudi kabidi amu munda muende.” Ke mudi bamue ba ku bafundi benu bajadike ne: “Tudi bana bende kabidi.”

1 Korente 12:6

Bukole ne meji bia kuenza nabi mudimu bidi bishilangane ku muntu ku muntu, kadi Mvidi Mukulu udi ubifila kudi bonsu udi amu umue wa momumue.

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.

1 Tesalonike 2:13

Tudi tuela amu kuela Mvidi Mukulu tuasakidila kabidi, bualu patuvua tunumanyisha muaku wa Mvidi Mukulu, nuvua bauteleje, bawitabe, kanuyi bautangile bu muaku wa muntu, kadi amu bu muaku wa Mvidi Mukulu. Bushuwa muaku awu uvua uleja muvuawu wa Mvidi Mukulu menemene, bualu uvua ukuata mudimu munda muenu nuenu badi bitaba.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.