Yowanane 5:14 - MUKANDA WA MYIDI MUKULU

¹⁴ Pashishe Yezu kusambakena ne muntu awu mu nzubu wa Mvidi Mukulu. Kumuambilaye ne: — Teleja. Disama diebe ndijike mpindiewu. Kuenji bualu bubi kabidi, bua bualu bupite bubi kabukukuatshi nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe Yesu wakamusangana mu ntempelo, wakamuambila ne, Mona, wakukola; kuenji bualu bubi kabidi, bua dikenga ditambe kadilu kûdi.

Yowanane 5:14 ပူးပေါင်းရင်းမြစ်များ

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Nehemya 9:28

Kadi bobu bamane kupatuka mu dikenga, ke kupinganabu ku malu mabi. Nanku, wewe kubalekela tshiakabidi mu bianza bia baluishi. Ke bobu kukubikila, wewe kubateleja mu diulu, kubasungidila misangu ne misangu, bu mudi dinanga diebe kadiyi ndekelu.

Misambu 118:18

Bulelela, Maweja-Nangila udi munkengeshe, kadi kena munshipe to.

Misambu 18:22

Ndi nkumbaja mikenji ya Maweja-Nangila. Tshiena mutombokele Mvidi Mukulu wanyi.

Misambu 27:6

Diakamue nkadi mpetula baluishi badi bangela munkatshi. Nendambule Maweja-Nangila milambu, mmuela tunkunduluila, mmuimbila misambu.

Misambu 9:13

Udi unyoka bashipianganyi, uvuluka bavuabu bakengesha. Kena upua muoyi bena dikenga badi bamubikila.

Yeshaya 38:20

Maweja-Nangila, uvua munsungidile. Ke mutudi tukutumbisha, tukuimbila ne bisanji, matuku onsu atudi tusomba panu, mu nzubu muudi netu, Maweja-Nangila.

Yeshaya 38:22

Nanku Izkiya kukonka muambi Yeshaya ne: “Ntshimanyinu kaayi tshidi mua kunjadikila ne: ndi mua kubuela kabidi mu nzubu wa Maweja-Nangila?”

Lewitiki 13:20

Padi mutuangaji umona ne: tshibangu ntshiondoke, kabidi boya bua muaba awu mbutokoloke, mutuangaji neambe ne: muntu ewu mmupie mikiya. Bualu udi ne disama dia nsudi, dimuenekela mu tshibangu tshia tshiwuja.

Lewitiki 26:27

“Kadi padi makenga onsu aa kaayi anutekesha, nuenu nubenga amu kubenga mua kungitaba,

Lewitiki 7:12

“Padi muntu ulambula Maweja-Nangila nyama wa mulambu, wimba ne musangu bua kumutumbisha, asakidile kabidi milambu eyi: mulambu wa mikata mikanga kayiyi miela buanga bua mampa, wa tuampa tukese tulaba mafuta, katuyi tuela buanga bua mampa, ne wa mikata mienza ne bukula busambakaja ne mafuta.

Matayi 12:45

Nanku udi uya kuangata mikishi mikuabu muanda mutekete mimupite ku bubi. Udi upingana nayi pamue, bua kusomba mu nzubu amu. Nanku muntu ewu mpindiewu udi mubi, mupite muvuaye kumpala. Ke muenzekela bantu babi ba mu tshikondu etshi.

Marke 2:5

Yezu mumane kumona ditaba dia bantu abu, kuambilaye muena tuneke ne: — Muananyi, mbakujimijile mibi yebe.

Yowanane 5:13

Kadi muntu uvuabu bajikija disama kavua mumanye uvua mumujikijedi. Bualu Yezu uvua mumane kumbuka bua bungi bua bantu bavua muaba awu.

Yowanane 5:5

Muaba awu uvua muntu ne disama bidimu makumi asatu ne muanda mukulu.

Yowanane 8:11

Mukaji kuandamuna ne: — Mulongeshi, kakuena muntu uvua mumpishe. Ke Yezu kumuambila ne: — Nansha meme kabidi tshiena nkupisha to. Udi mua kumuka, kadi kuenji kabidi bualu bubi to.]

1 Petro 4:3

Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.