Yowanane 4:23 - MUKANDA WA MYIDI MUKULU

²³ Kadi tshikondu netshifike, ntshimane kufika mene, tshidi batendeledi balelela batendelela Tatu mu mueyelu ne mu bulelela. Bualu Tatu udi musue bantu badi bamutendelela mushindu ewu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi diba nedilue, didiku katataka mene, ditendelela batendeledi balelela Nzambi mu nyuma ne mu bulelela; Tatu udi ukeba bantu ba nunku bamutendelela.

Yowanane 4:23 ပူးပေါင်းရင်းမြစ်များ

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Misambu 147:11

udi muanyishe bantu badi bamumanya bu Mvidi Mukulu wabu, batekemena bulenga buende.

Misambu 17:1

Ditendelela dia mu mukanda wa misambu ya Davide. Maweja-Nangila, unteleje, ndi ndila muadi, ungumvue. Tshiena ne bubi bundi muenze. Ndi nkutendelela, ungitabe. Mukana muanyi kamuena dishima.

Misambu 32:2

Udi muena diakalenga, padi Maweja-Nangila, kayi ukutangila bu muena tshibawu, kayi usangana dishima munda muebe!

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Musambu wa Solomo 2:14

Musuibue wanyi, bu nkudimba udi musoksome mu mbuebue ne mu mulundu, patuka, nkumone. Akula, nteleje diyi diebe didi dinsankisha. Leja mpala webe udi mupite buimpe!”

Yeshaya 10:20

Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Yeshaya 43:21

Nenku bantu bandi muenze, nebumvuije bakuabu malu manene andi muenze.”

Yeshaya 58:2

Badi bankeba ku dituku ku dituku, basue kumanya tshindi meme musue bua benze. Badi bu bena ditunga dia bantu badi benza bimpe, badi bakumbaja meyi avuabu bapete kudi Mvidi Mukulu wabu. Badi bandomba bua meme kukosa nsambu amu pa yoyi. Badi bajinga kuikala pabuipi nanyi.

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yowanane 12:23

Yezu kubandamuna ne: — Diba ndimane kukumbana mpindiewu didi bantu ne bua kutumbisha Muana wa muntu.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

Yowanane 4:21

Yezu kumuandamuna ne: — Ungitabe, tshikondu netshifike tshinuikala kanuyi nutendelela Tatu pa mukuna ewu, nansha ku Yerushalayime.

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Yowanane 5:28

Kanukemi bua bualu ebu nansha. Bualu tshikondu tshidi tshifika tshidi bafue bonsu ba-vuabu bajika bumvue diyi dia Muana wa muntu.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

Rome 8:26

Ke mudi Mueyelu wa Tshijila kabidi utuambuluisha, bualu tudi bena butekete. Katuena bamanye mutudi ne bua kutendelela, ne bitudi ne bua kulomba nansha. Kadi Mueyelu wende udi utulombela kudi Mvidi Mukulu, utua mikemu idi kayiyi yumvuika bu miaku ya bantu.

Ngalate 4:6

Bua kuleja munudi bana bende menemene, Mvidi Mukulu kutuma Mueyelu wa Muanende mu mioyi yetu. Mueyelu awu udi wela diyi ne: “Abba! Tatu wanyi!”

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.