Yowanane 4:22 - MUKANDA WA MYIDI MUKULU

²² Nuenu, bena Samariya kanuena bamanye tshinudi nutendelela. Tuetu, bena Yuda tudi bamanye tshitudi tutendelela. Bualu lupandu ludi lufumina kudi bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

²² Nudi nutendelela tshinudi kanui bamanye; tuetu tudi tutendelela tshitudi bamanye; bualu bua luhandu ludi lufuma kudi Bena Yuda.

Yowanane 4:22 ပူးပေါင်းရင်းမြစ်များ

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Ezela 4:2

Kufikabu bua kumonangana ne Zerubabele, kabidi ne bamfumu ba meku, bua kubambila ne: — Tudi basue kunuambuluisha bua kuibaka nzubu wa Mvidi Mukulu ewu. Bualu tudi tutendelela nenu Mvidi Mukulu umue, tumulambula milambu, katshia mukalenga wa bena Ashure, Asharadone watutuma munemu.

Misambu 147:19

Udi umanyisha tshisa tshiende diyi diende, ufundila Izrayele mikenji ya muoyi.

Misambu 68:20

Tuelayi Maweja-Nangila tuasakidila ku dituku ku dituku, bualu Mvidi Mukulu udi wambula bujitu buetu, utusungidila.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Bienzedi 17:23

Bualu ndi muendakane mu tshimenga tshienu tshionsu. Meme kumona miaba yonsu inudi nutendelela. Meme kusangana tshilambuilu tshikuabu: bavua bafundapu ne: “Mvidie utudi katuyi bamanye.” Kadi tshinudi nutendelela kanuyi bamanye, meme ndi musue kunumanyishatshi.

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Rome 11:18

Nanku kuena mua kupepeja matamba avuabu bakose nansha. Wewe kuena wambula miji to. Miji idi ikuambula wewe. Nanku udi mua kuditemba bishi?

Ebrewu 7:14

Tudi bamanye bimpe ne: bavua balela mfumu wetu mu tshisamba tshia Yuda. Pavua Moshe mufunde mikenji idi itangila batuangaji, kavua mutele tshisamba etshi ku bualu nansha bumue.