Yowanane 4:19 - MUKANDA WA MYIDI MUKULU

¹⁹ Ke mukaji kumuamba ne: — Mulongeshi, ndi mmona ne: udi muambi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mukashi wakamuambila ne, Mukelenge, ndi njingulula ne, Wewe udi muprofete.

Yowanane 4:19 ပူးပေါင်းရင်းမြစ်များ

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

Matayi 21:11

Bantu bakuabu bavua bandamuna ne: — Yezu, muambi, muena Nazarete wa mu Ngalileya.

Luke 24:19

Yezu kubakonka ne: — Malu adi menzekemu mmalu kaayi? Balongi kumuandamuna ne: — Malu avua menzekele Yezu wa mu Nazarete. Uvua muambi wa bukole. Uvua mubuleje ku midimu ivuaye wenza, ne ku miaku ivuaye wakula. Mvidi Mukulu, ne bantu bonsu, kumuanyisha.

Luke 7:16

Bantu bonsu kumvua bowa. Kutumbishabu Mvidi Mukulu, bamba ne: — Muambi munene mmupatuke munkatshi muetu! Mvidi Mukulu mmufike bua kusamba bantu bende!

Luke 7:39

Muparushe uvua mubikile Yezu, umona nanku, kuelaye meji ne: “Bu muntu ewu muambi wa Mvidi Mukulu bulelela, uvua mua kujingulula mukaji ewu, kumanya ne: mmuena malu mabi.”

Yowanane 4:18

Bualu uvua ne balume batanu. Mulume uudi nende mpindiewu ki mbayebe to. Uvua mungambidilemu bulelela.

Yowanane 4:29

— Luayi numone muntu uvua mungambile malu onsu amvua muenze. Bumue udi mua kuikala Meshiya anyi?

Yowanane 6:14

Bantu bamona tshishima tshivua Yezu muenze, kuambabu ne: — Bulelela, muntu ewu mMuambi uvua ne bua kulua pa buloba!

Yowanane 7:40

Ku bantu bavua bamane kumvua muvua Yezu muakule, bamue bavua bamba ne: — Bulelela muntu ewu udi Muambi utudi bindile!

Yowanane 9:17

Baparushe kukonka muntu uvua mpofu tshiakabidi ne: — Kadi wewe, bua muntu uvua mukutabaje mesu awu, udi wamba bishi? Kuandamunaye ne: — Udi muambi.

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.