Yowanane 4:15 - MUKANDA WA MYIDI MUKULU

¹⁵ Mukaji kumuamba ne: — Mulongeshi, umpeshe mayi awu, bua tshikadi kabidi ne nyota, tshikadi kabidi ne dikenga dia kusuna mayi muaba ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mukashi wakamuambila ne, Mukelenge, Umpe mai â, tshikadi ne nyota, tshilu tô kunoko bua kusuna.

Yowanane 4:15 ပူးပေါင်းရင်းမြစ်များ

Misambu 4:6

Lambulayi milambu idi minufundila bua kufila. Nutekemene kudi Maweja-Nangila.

Yowanane 4:16

Yezu kumuamba ne: — Uye kubikila bayebe, nufike nende apa.

Yowanane 6:26

Yezu kubandamuna ne: — Ndi nnujadikila ne: nudi nunkeba bualu nuvua badie buukute, kadi kanuvua bajingulule bishima bimvua muenze to.

Yowanane 6:34

Ke kumuambilabu ne: — Mulongeshi, wikale utupeshaku matuku onsu mampa awu.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Rome 8:5

Bualu badibu baludika kudi buntu buabu nkayabu, badi bakeba amu bidi buntu buabu abu bujinga. Kadi badibu baludika kudi Mueyelu wa Tshijila, badi bakeba bidi Mueyelu wa Tshijila ujinga.

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

Yakobe 4:3

Panudi nulomba, kanuena nupeta, bualu meji anudi nubilomba nawu, adi mabi. Nudi basue kubipeta bua kudisankisha amu nkayenu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.