Yowanane 3:26 - MUKANDA WA MYIDI MUKULU

²⁶ Balongi kuya kudi Yowanane, kumuebeja ne: — Mulongeshi, udi uvuluka muntu unuvua nende dishiya dia Yardene, uuvua utulondela bualu buende awu. Ukadi pende utua bantu mu mayi. Bonsu badi baya kudiye!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bakalua kudi Yone, bakamuambila ne, Labi, uwakadi nʼandi dishia dia Yadene, uwakambila bantu, udi ubatiza bantu, bantu bonso balualua kudiye.

Yowanane 3:26 ပူးပေါင်းရင်းမြစ်များ

Misambu 65:2

Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Yeshaya 45:23

Bu mundi Mvidi Mukulu bulelela, ndi nditshipa ne: nenkumbaje malaya anyi. Ndi ndaya ne muoyi umue ne: bantu bonsu nebatue binu kumpala kuanyi. Nebaditshipe bua kundamata kashidi.

Matayi 23:7

Badi bananga bua bantu bahele muoyi ne kanemu, miaba idi bantu bakungila, kabidi bua bababikile ne: “Mulongeshi.”

Matayi 23:8

Kadi nuenu kabanubikidi ne: “Mulongeshi.” Bualu nudi bonsu bantu bamue. Mulongeshi wenu udi amu umue.

Yowanane 1:15

Yowanane ke uvua muambile bantu bualu buende. Uvua muele diyi dikole ne: — Yeye ewu ke umvua muambe ne: “Muntu neafike panyima panyi udi muntambe meme, bualu kabayi banji kundela, yeye ukavuaku.”

Yowanane 1:7

Yeye uvua mulue kujadika malu, bua kumanyisha bantu malu a butoke. Uvua mulue bua bantu bonsu bitabe tshidiye wamba.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Yowanane 11:48

Tuetu bamulekele wenza nunku, bantu bonsu nebamuitabe. Pashishe bamfumu ba bena Rome nebafike bua kunyanga nzubu wetu wa Mvidi Mukulu ne tshisamba tshietu!

Yowanane 12:19

Ke Baparushe kuambilangana ne: — Nudi numona ne: kanuakupeta tshipeta tshimpe to. Bantu bonsu bakadi bamulonda!

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 4:1

Yezu uvua mumvue muvua Baparushe bumvue lumu ne: Yezu udi utua bantu mu mayi, mmupete kabidi balongi ba bungi bapite ba Yowanane.

Yowanane 4:2

Yezu kavua mutue mene muntu nansha umue mu mayi to, amu balongi bende ke bavua batua bantu mu mayi.

Yowanane 4:31

Diba mene adi balongi kusengelela Yezu bua kudiaye, bamuambila ne: — Mulongeshi, anji ela kantu munda.

Yowanane 5:33

Nuvua batume bantu kudi Yowanane bua kumukonka bualu buanyi. Yeye kunujadikila malu malelela.