Yowanane 3:17 - MUKANDA WA MYIDI MUKULU

¹⁷ Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nzambi kakatuma Muana wandi ha buloba bua kulumbuluisha ba ha buloba, kadi bua ba ha buloba basungidibue kudiye.

Yowanane 3:17 ပူးပေါင်းရင်းမြစ်များ

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Matayi 18:11

Bualu Muana wa muntu mmuvue kusungidila bavua bajimine.]

Luke 19:10

Muana wa muntu mmufike bua kukeba ne kusungidila bantu bavua bajimine.

Luke 9:56

Nanku kuyabu mu musoku mukuabu.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 11:42

Ndi mumanye ne: udi unteleja misangu yonsu. Kadi ndi ngamba nanku, bua bantu badi bannyungulukila bitabe ne: wewe ke uvua muntume.

Yowanane 17:18

Mvua mubatume pa buloba, muuvua muntume pa buloba.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Yowanane 17:23

meme munda muabu, wewe munda muanyi, bua benze tshintu tshimue menemene, bua ba pa buloba bamanye ne: wewe uvua muntume; kabidi ne: udi mubanange muudi munnange.

Yowanane 17:25

Tatu muimpe, ba pa buloba kabena kakumanye, kadi meme ndi mukumanye. Bobu aba mbamanye ne: uvua muntume.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Yowanane 5:36

Kadi meme, malu adi ajadika bulelela buanyi mmapite avua ajadika bulelela bua Yowanane. Malu andi ngenza, adi Tatu mumpeshe bua kuenza, ke adi ajadika bulelela buanyi, aleja kabidi ne: Tatu mmuntume.

Yowanane 5:38

Kanuena nulama miaku yende munda muenu. Bualu kanuena nuitaba uvuaye mutume.

Yowanane 5:45

Kadi kanuedi meji ne: nennufunde kudi Tatu wanyi. Moshe unudi batekemene awu, ke wanufunda.

Yowanane 6:29

Yezu kubandamuna ne: — Bualu budi Mvidi Mukulu utekemena kunudi, mbua nuenu kuitaba udiye mutume.

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Yowanane 6:57

Tatu uvua muntume udi ne muoyi, meme kabidi ndi ne muoyi kudiye. Momumue kabidi udi undia neapetele muoyi kundi.

Yowanane 7:29

Meme ndi mumumanye, bualu ndi mufume kudiye. Yeye kabidi ke udi muntume.

Yowanane 8:11

Mukaji kuandamuna ne: — Mulongeshi, kakuena muntu uvua mumpishe. Ke Yezu kumuambila ne: — Nansha meme kabidi tshiena nkupisha to. Udi mua kumuka, kadi kuenji kabidi bualu bubi to.]

Yowanane 8:42

Yezu kubandamuna ne: — Bu Mvidi Mukulu muikale Tatuenu bulelela, nuvua mua kunnanga. Bualu meme ndi mutumine kudi Mvidi Mukulu. Ndi panuapa mu dina diende. Tshiena mudivuile mu dina dianyi to. Kadi yeye ke uvua muntume.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.