Yowanane 3:14 - MUKANDA WA MYIDI MUKULU

¹⁴ Bu umvua Moshe muele nyoka wa tshiamu tshikunze kulu kua mutshi mu tshipela, ke muelabu Muana wa muntu kulu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bu muakabisha Mose nyoka mu tshihela, nunku budi Muana wa muntu nʼabu mbua kubishibua muomumue;

Yowanane 3:14 ပူးပေါင်းရင်းမြစ်များ

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

Misambu 22:16

Muminu mmungume, ludimi lulamate mu tshilakalaka. Wewe kunshiya mu lupuishi bu tshitalu!

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Matayi 26:54

Kadi meme muenze nanku, malu adi mu Mikanda ya tshijila neakumbane bishi? Bualu mu mikanda amu mbafunde ne: bienzeke amu nanku.

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Luke 24:20

Bamfumu ba batuangaji, ne bakulu betu, batua bamufila bua kumushipesha. Nanku kumupopelabu ku mutshi mutshiamakane.

Yowanane 18:32

Ke muvua Yezu mukumbaje diyi divuaye muambe, divua dileja bantu mushindu uvuaye ne bua kufua.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.