Yowanane 21:22 - MUKANDA WA MYIDI MUKULU

²² Yezu kumuandamuna ne: — Meme musue bua ashale ne muoyi too ne pangapingana tshiakabidi, mbualu buebe anyi? Wewe, undonde!

Mukanda wa Nzambi Dihungila Dikulukulu ne Dihungila Dihia-dihia 2003

²² Yesu wakamuambila ne, Binasua bua ashale ne muoyo tô ne hanalua, mbualu buebe, anyi? Wewe undonde.

Yowanane 21:22 ပူးပေါင်းရင်းမြစ်များ

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Matayi 24:27

Bu mudi muele wa mvula upenya, umuka kudi diba dipatukila, umueneka diakamue ne kudidi dibuelela, ke muafika Muana wa muntu nanku.

Matayi 24:3

Yezu uvua musombe ku mukuna wa mitshi ya Olive. Ke balongi bende kusemena kudiye bobu nkayabu, bamukonka ne: — Utuambile: malu awu neenzeke diba kaayi? Nebimanye bishi ne: ukadi pa kufika, kabidi ne: ndekelu wa buloba ukadi ukumbana?

Matayi 24:44

Ke panudi ne bua kuikala bamane kudilongolola, bualu Muana wa muntu neafike diba dinudi kanuyi belele meji.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Matayi 8:22

Yezu kumuandamuna ne: — Katuye, lekela bafue bajike bafue babu.

Marke 9:1

Yezu kubambila kabidi ne: — Ndi nnujadikila ne: bamue ba ku bantu badi muaba ewu kabena mua kufua kabayi banji kumona mudi Bukalenga bua Mvidi Mukulu bufike ne bukole.

Yowanane 21:19

(Pavua Yezu wamba nanku, uvua musue kumvuija mushindu uvua Petro ne bua kufua bua kutumbisha Mvidi Mukulu.) Pashishe Yezu kumuamba ne: — Undonde!

Yowanane 21:21

Petro umumona, kukonkaye Yezu ne: — Mfumu, kadi yeye tshidi mua kumuenzekela ntshinyi?

1 Korente 11:26

Nenku misangu yonsu inudi nudia diampa edi, nunuina mu dikopu edi, nudi numanyisha bantu lufu lua Mfumu too ne pafikaye.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

1 Tesalonike 2:19

Bualu amu nuenu, nudi ditekemena ne disanka dietu, ki mbantu bakuabu to! Nuenu ke badi baleja bantu mutudi batshimune. Amu bualu buenu, ke mutuaditambishila pafika Mfumu wetu Yezu Kristu.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Yakobe 5:8

Nuenu kabidi nulame lutuulu, nukoleshe muoyi, bualu dituku didi Mfumu ufika dikadi pabuipi.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Didimanyisha 2:25

Kadi nulame bimpe binudi nabi, too ne pangafika.

Didimanyisha 22:20

Udi ujadika bulelela bua malu onsu aa, udi wamba ne: “Bushuwa, nkadi mu njila!” Eyo! Bikale nanku! Mfumu Yezu, vuaku!

Didimanyisha 22:7

Yezu udi wamba ne: “Teleja! Nkadi mu njila! Bantu badi bitaba miaku idi muambi mufunde mu mukanda ewu, mbena diakalenga!”

Didimanyisha 3:11

Nkadi mu njila. Lama muebe muonsu biudi nabi. Tshianana bakuabu nebakunyenge nsala webe wa lumu.