Yowanane 20:16 - MUKANDA WA MYIDI MUKULU

¹⁶ Yezu kumuela diyi ne: — Mariya! Mariya kukudimuka kudiye, umuamba mu buena ebrewu ne: — Rabuni! (mmomumue ne: “Mulongeshi.”)

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yesu wakamba ne, Malia. Hakatshingulukeye, wakamuambila mu Buena Yuda ne, Laboni, kukudimuna kua muaku ne, Muyishi.

Yowanane 20:16 ပူးပေါင်းရင်းမြစ်များ

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Genese 22:11

Kadi kumvuaye diyi dia mutumibue wa Mvidi Mukulu difumina mu diulu dimubikila ne: — Abrahame, Abrahame! Yeye kuitaba ne: — Ke meme ewu.

Genese 45:12

Kubambila kabidi ne: — Nuenu bonsu, kadi nangananga wewe Binyamine, nudi bamone ne: Udi wakula nenu ke meme!

Ekesode 3:4

Maweja-Nangila uvua mumone muvua Moshe usemena pabuipi bua kujadika bualu abu. Kubikilaye Moshe munkatshi mua tshipuka ne: — Moshe! Moshe! Awu kuitaba ne: — Ke meme awu.

Ekesode 33:17

Pashishe, Maweja-Nangila kuambila Moshe ne: — Nenkumbaje bionsu biudi mungambile ebi, bualu ndi mumanye dina diebe, kabidi udi unsankisha.

Musambu wa Solomo 3:4

Amu ndayangana nabu, meme kupeta munanga wanyi, kumukuata bikole ku tshianza, tshiyi musue kumulekela. Meme kuya nende mu nzubu, kubuela mu tshibambalu tshia munda, muaba uvua mamu wanyi mungimite.

Musambu wa Solomo 5:2

Mvua mulale, kadi muoyi wanyi uvua mushale ne tshitabela. Badi bakokola ku tshiibi! Ndi mumanye ne: munanga wanyi mmufike! “Muanetu wa bakaji, munanga wanyi, nkudimba wanyi, wanyi wa pa muoyi, ungunzuluile ku mbelu! Mutu wanyi mmuboleshe kudi lumuma, nsuki yanyi mmikuate mayi a dibungi dia butuku.”

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Matayi 14:27

Diakamue Yezu kubambila ne: — Kanutshinyi. Meme! Koleshayi muoyi!

Marke 10:51

Yezu kumukonka ne: — Udi musue nkuenzele tshinyi? Mpofu kumuandamuna ne: — Mulongeshi, ngambuluishe bua ntabale tshiakabidi.

Luke 10:41

Mfumu kumuandamuna ne: — Marte, Marte, udi ulubakana, utata bua malu a bungi.

Yowanane 1:38

Yezu ukudimuka, kubamonaye bamulonda. Kubakonkaye ne: — Tshinudi nukeba ntshinyi? Bobu kumuandamuna ne: — Rabi (mmomumue ne “Mulongeshi”), utu usomba penyi?

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 10:3

Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu.

Yowanane 11:28

Marte mumane kuamba nanku, kuyaye kubikila muanabu wa bakaji Mariya, umuambila ku luseke ne: — Mulongeshi ukadi mufike. Udi ukubikila.

Yowanane 13:13

Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 5:2

Mu tshimenga atshi mudi dijiba ne bitanda bia makunji bia kuikishila bitanu. Dijiba adi didi pepi ne tshiibi tshia Mikoku, badinyike mu buena ebrewu ne: Betzata.

Yowanane 6:25

Kusanganabu Yezu dishiya dia dijiba. Kumukonkabu ne: — Mulongeshi, udi mufike apa diba kaayi?

Bienzedi 10:3

Dituku kampanda, ku diba dia isatu wa dilolu, Mvidi Mukulu kumuleja malu. Kumonaye patoke mutumibue wa Mvidi Mukulu, ubuela mu nzubu muende, umubikila ne: — Korneliyuse!

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

1 Samuele 3:10

Maweja-Nangila kufika, kuimana kabidi muaba awu bu misangu mikuabu. Kubikilaye ne: “Samuwele, Samuwele”! Muana kuitaba ne: — Ke meme muntu webe ewu ndi muteleja, ngambilaku.

1 Samuele 3:6

Musangu muibidi, Maweja-Nangila kubikila Samuwele ne: “Samuwele!” Muana kujuka, kuya kudi Eli, kumuambila ne: — Ke meme uuvua ubikila ewu! Eli umuambila ne: — Muananyi, tshiena mukubikila to! Pingana, uye kulala.