Yowanane 20:1 - MUKANDA WA MYIDI MUKULU

¹ Dituku dia lumingu patshiatshia, Mariya wa ku Magdala kuya ku lukita, panshi patshivua pafike. Kusanganaye bamane kumusha dibue ku mushiku wa lukita.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dituku dia kumudilu dia lumingu, Malia wa ku Magadala wakalua ku lukita hatshiatshia, butuku kabui buanze kutshia, wakamona dibue dimana kumusha ku lukita.

Yowanane 20:1 ပူးပေါင်းရင်းမြစ်များ

Matayi 27:56

Munkatshi muabu mutua Mariya wa mu tshimenga tshia Magdala, Mariya mamuende wa Yakobe ne Yozefe, ne mamuende wa bana ba Zebede.

Matayi 27:60

Pashishe kulongaye tshitalu atshi mu lukita luende lupialupia, luvuaye mumbuishe mu lubuebue. Kubungulujaye dibue dinene bua kubuikila mushiku wa lukita, kuyaye.

Matayi 27:64

Nanku anyisha, utume diyi bua balame lukita too ne dituku disatu, bua balongi bende kabavu kuiba tshitalu tshiende, bambila bantu ne: “Wabiki ku bafue.” Dishima dia nanku nedikale dibi dipite dia kumpala.

Matayi 27:66

Nanku kuyabu kulongolola mudimu wa kulama lukita. Kutuabu dibue divua dibuikila lukita tshitampi, kushiyabu basolayi bua balulame.

Matayi 28:1

Dituku dia Dikisha dimane kupita, patshiatshia dituku dia kumpala dia lumingu, Mariya wa mu Magdala, ne Mariya mukuabu, kufikabu bua kumona lukita.

Matayi 28:2

Diakamue buloba kuzakala bikole. Mutumibue wa Maweja-Nangila kutuluka mu diulu, kubunguluja dibue divua ku lukita ku luseke, kusombapu.

Marke 15:46

Yozefe kusumba tshilamba tshia kudibuikila tshia buanda bua mitshi, kutululaye tshitalu tshia Yezu ku mutshi mutshiamakane, kutshijingilaye tshilamba tshia kudibuikila, kutshilonga mu lukita luvuabu bumbule mu lubuebue. Pashishe kubungulujaye dibue dinene bua kubuikila ku mushiku wa lukita.

Marke 16:9

Yezu mumane kubiika ku lufu pa kabundubundu mu dinda, dituku dia lumingu, uvua mudianze kumuenekela Mariya muena mu Magdala uvuaye mumushe mikishi mibi muanda mutekete.

Yowanane 11:38

Yezu kuwula tshiakabidi ne tshinyongopelu tshikole. Kuyaye ku lukita luvuabu bumbula mu lubuebue, babuikila ku mushiku ne dibue.

Yowanane 11:41

Bantu kumusha dibue. Yezu utangila mulu, kuamba ne: — Tatu, ndi nkuela tuasakidila, bualu uvua munteleje.

Yowanane 19:25

Pabuipi ne mutshi mutshiamakane wa Yezu, bavua bimanepu kudi mamuende, kudi mukaji muanabu ne mamuende, kudi Mariya muena kua Klopase, ne kudi Mariya wa ku tshimenga tshia Magdala.

Yowanane 20:26

Lumingu kupita, balongi ba Yezu bavua badisangishe mu nzubu tshiakabidi. Tomase uvua nabu. Biibi bivua bikanga ne nsapi. Kadi Yezu kufika, kuimana munkatshi muabu, ubela muoyi ne: — Bupole buikale nenu!

Bienzedi 20:7

Disambombu dilolu, tuvua basangile bua Didia dia Mfumu Polu uvua uyukila ne bantu bavua basangile netu. Kutungunukaye ne dilongesha too ne mundankulu mua butuku, bualu uvua ne bua kubashiya patshiabu.

1 Korente 16:2

Dia lumingu dionsu, yonsu wa kunudi ateke ku luseke tshitupa tshia makuta ende, bilondeshile bungi buvuaye mupete. Atshilame mu nzubu, bua diba dindi mfika, kaditatshishi bua kukeba makuta.

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,