Yowanane 2:2 - MUKANDA WA MYIDI MUKULU

² Bavua babikilemu kabidi Yezu ne balongi bende.

Mukanda wa Nzambi Dihungila Dikulukulu ne Dihungila Dihia-dihia 2003

² bakabikila Yesu ne bayidi bandi ku dibanji.

Yowanane 2:2 ပူးပေါင်းရင်းမြစ်များ

Matayi 12:19

Kakutanda ne muntu. Kukuela mbila. Bantu kabakumumvua wenza mayuki ne diyi dikole mu misesu.

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Yowanane 2:12

Pashishe Yezu kuya mu tshimenga tshia Kefamawume ne mamuende, ne bana babu, kabidi ne balongi bende. Bobu kushalamu matuku makese.

Yowanane 2:17

Balongi bende kuvuluka miaku isuabu bafunde mu Mukanda wa tshijila ne: “Mvidi Mukulu wanyi, dinanga dindi nadi bua nzubu webe, didi dingosha munda bu kapia.”

Yowanane 2:22

Pakasua Yezu mumane kubika ku bafue, balongi bende kusuluka musuaye muambe. Nanku kuitababu bisuabu bafunde mu Mukanda wa tshijila, kabidi ne bisua Yezu muambe.

Yowanane 2:3

Pasua mviny o mumane kujika yonsu mamuende wa Yezu kumuambila ne: — Kabatshiena ne nwinyo kabidi to.

Yowanane 3:22

Pashishe Yezu kuya ne balongi bende mu ditunga dia Yudeya. Kuanjiye kushala nabu muaba awu amue matuku. Uvua kabidi utua bantu mu mayi.

Yowanane 4:2

Yezu kavua mutue mene muntu nansha umue mu mayi to, amu balongi bende ke bavua batua bantu mu mayi.

Yowanane 4:33

Balongi kukonkangana ne: — Muntu uvua mumutuadile biakudia anyi?

Yowanane 4:8

(Balongi bende bavua baye mu tshimenga bua kusumba biakudia.)

Yowanane 6:12

Bonsu bamane kudia kuukuta, Yezu kuambila balongi bende ne: — Sangishayi bipese bionsu bidi bishala, tshipese nansha tshimue katshijiminyi.

Yowanane 6:16

Pakavua diba dibuela, balongi bende kupueka ku muelelu wa dijiba.

Yowanane 6:60

Balongi ba bungi bamane kumvua muvua Yezu muambe, kuambabu ne: — Dilongesha edi ndikole be! Udi mua kudilaba nnganyi?

Yowanane 6:66

Biangatshile ku diba adi, bantu ba bungi kumbukabu kudiye. Kabavua bamulonda kabidi to.

Yowanane 6:67

Yezu kukonka balongi bende dikumi ne babidi ne: — Nuenu kabidi nudi basue kumuka anyi?

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Yowanane 6:71

Uvua Yezu wamba awu ke Yudase, muana wa Simone muena mu Iskariyote. Bualu nansha muvua Yudase umue wa ku balongi dikumi ne babidi, uvua ukeba kutungila Yezu tshitungu.

Yowanane 6:8

Umue wa ku balongi bende, dina diende Andre, muanabu ne Simone Petro, kumuambilaye ne:

Yowanane 7:3

Bana babu ne Yezu kumuambila ne: — Umuka munemu, uye mu Yudeya bua balongi bebe kabidi bamone midimu iudi ukuata.

Bienzedi 11:26

Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Bienzedi 11:29

Bena ditaba kumvuangana bua muntu yonsu afile tshiende tshidiye natshi, bua kuambuluisha bena ditaba ba mu Yudeya.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

1 Korente 7:39

Mukaji udi mu dibaka, kena mua kuenza mudiye musue, patshidi bayende ne muoyi. Amu bayende mumane kufua, udi mua kubuela mu dibaka ne muntu udiye musue. Kadi muntu awu ikale amu muena ditaba.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.