Yowanane 2:18 - MUKANDA WA MYIDI MUKULU

¹⁸ Nanku bamfumu ba bena Yuda kukonka Yezu ne: — Udi mua kuenza bualu bua dikema kayi, bua tuetu kujadika ne: udi ne bukokeshi bua kuenza nanku?

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bena Yuda bakamuebesha ne, Bualu bua wewe udi wenza nunku, udi utulesha tshimanyinu kai?

Yowanane 2:18 ပူးပေါင်းရင်းမြစ်များ

1 Bakalenga 13:3

Muambi kuamba kabidi ne: — Tshilambuilu etshi netshiupuke, butu bua mafuta budipu nebumate panshi. Nanku, nenujadike ne: Maweja-Nangila ke uvua muakule.

Ekesode 7:9

— Pikala mukalenga wa bena Ejipitu ujinga bua numuenzele bishima, wewe Moshe wambile Arone ne: ela dikombu diebe panshi. Nanku nediandamuke nyoka, mukalenga awu mumone.

Matayi 21:23

Yezu kubuela mu nzubu wa Mvidi Mukulu. Pavuaye mutuadije kulongesha, bamfumu ba batuangaji, ne bakulu ba bena Yuda, kusemena kudiye, bamukonka ne: — Malu audi wenza aa, udi muenze ne bumfumu kaayi? Udi mukupeshe bumfumu ebu nnganyi?

Marke 8:11

Baparushe kufika, kutuadijabu kuelangana mpata ne Yezu bua kumuteta. Kumulombabu bua aleje tshishima tshidi tshijadika ne: bumfumu buende mbufume kudi Mvidi Mukulu.

Luke 11:29

Bantu bavule bavua bunguila Yezu. Ke Yezu kuamba ne: — Bena lelu mbantu babi. Badi balomba bua Mvidi Mukulu abajadikile malu ne tshishima. Kadi Mvidi Mukulu neabajadikile malu amu muvuaye muenze mu tshikondu tshia muambi Yona.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 1:25

Ke bavua bamukonka ne: — Paudi kuyi Meshiya, kuyi Eliya, nansha muambi utudi bindile, kadi udi utua bantu mu mayi bua tshinyi?

Yowanane 6:30

Kumuambabu ne: — Kadi bualu bua dikema kaayi buudi mua kutuleja bua tukuitabe? Biudi mua kuenza mbinganyi?

Bienzedi 4:7

Kubikilabu Petro ne Yowanane. Kubimanyikabu munkatshi muabu, babakonka ne: — Nuvua benze bualu ebu ku bukenji kaayi? Nuvua bajikije disama dia muntu ewu mu dina dia nganyi?

Bienzedi 5:28

wamba ne: — Tuvua banukandike bikole, bua kanulongeshi bantu mu dina dia muntu awu. Kadi tshinudi benze mpindiewu ntshinyi? Nukadi batampakaje dilongesha diende mu Yerushalayime mujima. Nenku nudi basue kumbueja mu tshilumbu tshia lufu lua muntu ewu!