Yowanane 2:11 - MUKANDA WA MYIDI MUKULU

¹¹ Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu ebu buakenza Yesu mu Kana wa Galela buakadi bua kumudilu bua bimanyinu biandi, wakalesha bantu butumbi buandi; bayidi bandi bakamuitabusha.

Yowanane 2:11 ပူးပေါင်းရင်းမြစ်များ

1 Bakalenga 17:24

Mukaji kumuambila ne: — Mpindiewu ndi njadika ne: wewe udi muambi wa Mvidi Mukulu, kabidi ne: udi wakula mu dina dia Maweja-Nangila bulelela.

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Misambu 96:3

Nuambile bantu bonsu butumbi buende, numanyishe bukua bisamba malu a kukema adiye muenze.

Ekesode 14:31

Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

Ekesode 4:9

Kadi pikala bena Izrayele kabayi bakuitaba bua bishima bibidi ebi, utunte mayi a mu musulu wa Nile, witshikije panshi. Mayi awu neandamuke mashi.

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Yeshaya 40:5

Diba adi, butumbi bua Maweja-Nangila nebumueneke. Bantu bonsu nebamumone diakamue. Ke mudi Maweja-Nangila muambe nanku.”

Malaki 2:2

— Nunteleje, nunnemeke, tshianana nennukengeshe. Diakalenga dimvua munulaye nediandamuke diakabi. Bulelela nengenze nanku, bualu kanuena nuangata mikenji yanyi ne mushinga.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yowanane 1:43

Butshia, Yezu uvua musue kuya mu buloba bua Ngalileya. Kusambakenaye ne Filipe. Kumuambilaye ne: — Undonde!

Yowanane 1:50

Yezu kumuandamuna ne: — Udi witaba nanku amu bualu mvua mukuambile ne: ndi mukumone muinshi mua mutshi wa mfiku. Neumone malu manene mapite ebu!

Yowanane 10:41

Bantu ba bungi bavua baya kudiye, bamba ne: — Yowanane kavua muenze tshishima nansha tshimue. Kadi bionsu bivuaye muambe bua muntu ewu mbilelela.

Yowanane 11:15

Ndi ne disanka buenu nuenu bua pamvua tshiyi muaba awu, bua nanku numone mua kungitaba. Kadi tuyayi kudiye.

Yowanane 11:47

Baparushe ne bamfumu ba batuangaji kudisangisha mu Tshipangu tshiabu tshikulu. Kuebejanganabu ne: — Netuenze tshinyi? Bualu muntu ewu udi wenza bishima bivule!

Yowanane 12:18

Ke pavua bantu ba bungi balue kuakidila Yezu. Bualu bavua bamane kumvua muvuaye muenze bualu ebu bua dikema.

Yowanane 12:37

Nansha muvuaye muenze bishima bia bungi bobu batangila, kabavua bamuitaba to.

Yowanane 12:41

Yeshaya mmuambe nanku bualu uvua mumone butumbi bua Yezu, muambe kabidi bualu buende.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Yowanane 16:27

Bualu Tatu yeye nkayende udi mununange. Udi mununange, bualu nudi bannange, bitabe kabidi ne: ndi mufume kudi Mvidi Mukulu.

Yowanane 16:30

Tudi bamanye mpindiewu ne: udi mujingulule malu onsu. Kuena ukengela bua bakuebeje bualu to. Ke patudi tuitaba ne: udi mufume kudi Mvidi Mukulu.

Yowanane 2:1

Kunyima kua matuku abidi, kuvua tshibilu tshia dibaka mu tshimenga tshia Kana mu Ngalileya. Mamuende wa Yezu uvuamu.

Yowanane 2:23

Patshivua Yezu ku Yerushalayime, mu tshibilu tshia Dipita dia Maweja-Nangila, bantu ba bungi basua bamuitabe, pasuabu bamone malu a dikema asuaye wenza.

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 4:3

Ke Yezu kumuka mu Yudeya bua kupingana mu Ngalileya.

Yowanane 4:46

Nanku Yezu kupingana mu Kana ka Ngalileya muvuaye muandamuine mayi menze nwinyo. Mu musoku awu muvua muena mudimu munene wa mbulamatadi. Uvua ne muanende wa balume usama ku musoku wa Kefamawume.

Yowanane 4:54

Ke bualu bua dikema buibidi buvua Yezu muenze pavuaye mumane kufika mu Ngalileya, utumina ku Yudeya.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 6:14

Bantu bamona tshishima tshivua Yezu muenze, kuambabu ne: — Bulelela, muntu ewu mMuambi uvua ne bua kulua pa buloba!

Yowanane 6:2

Bantu ba bungi bavua bamulonda. Bualu bavua bamone bishima bivuaye wenza pavuaye ujikija masama a bantu.

Yowanane 6:26

Yezu kubandamuna ne: — Ndi nnujadikila ne: nudi nunkeba bualu nuvua badie buukute, kadi kanuvua bajingulule bishima bimvua muenze to.

Yowanane 6:30

Kumuambabu ne: — Kadi bualu bua dikema kaayi buudi mua kutuleja bua tukuitabe? Biudi mua kuenza mbinganyi?

Yowanane 7:31

Kadi ba bungi ba ku bavua muaba awu, kumuitaba. Bavua bakonkangana ne: “Pafika Meshiya, neenze bishima bipite bivua muntu ewu muenze anyi?”

Yowanane 9:16

Bamue Baparushe bavua bamba ne: — Muntu uvua muenze bualu bua nenku kena mua kufumina kudi Mvidi Mukulu to. Bualu kena utumikila mikenji ya dituku dia Dikisha. Kadi bakuabu bavua bamba ne: — Muntu muikale muena malu mabi, udi mua kuenza bishima bia nanku anyi? Ke kupanganganabu munkatshi muabu.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Dielulula 5:24

bamba ne: “Maweja-Nangila Mvidi Mukulu wetu, mmumane kutuleja butumbi ne bukole buende. Lelu tuakumumvua wakula munkatshi mua kapia. Nanku tuetu tudi bajadike ne: Mvidi Mukulu udi mua kuakula ne bantu, kabayi bafua to.

1 Yone 5:13

Ndi nnufundila malu aa, bua numanye ne: nudi ne muoyi wa kashidi, bualu nudi nuitaba Muana wa Mvidi Mukulu.