Yowanane 2:10 - MUKANDA WA MYIDI MUKULU

¹⁰ Kumuambilaye ne: — Bantu bonsu badi banji kufila nwinyo muimpe kumpala. Padi bantu badibu babikila bamane kunua bikole, ke kushishabu kubapesha nwinyo wa nanku nanku. Kadi wewe kulama nwinyo muimpe too ne mpindiewu!

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ wakamuambila ne, Bantu bonso batu bafila nvinyo muimpe diambedi; hanuabo wa bungi, nebafile udi kai muimpe ku nyima; kadi wewe wakuteka nvinyo muimpe tô ne katataka.

Yowanane 2:10 ပူးပေါင်းရင်းမြစ်များ

Genese 43:34

Yozefe kufikisha kabidi ku mesa kuvua bana babu biakudia bivua ku ende. Kadi bivuaye mufikishe kudi Binyamine bivua bipite bia bana babu misangu itanu. Bonsu kunua maluvu, kukuatshika.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Matayi 24:49

Nanku neatuadije kuluisha bena mudimu nende. Neadie, anue, pamue ne bakuatshiki ba maluvu.

Luke 12:45

Kadi pikala muena mudimu awu wamba mundamunda muende ne: “Mfumuanyi kakupingana lukasa to,” utuadija kutuuta bena mudimu nende balume ne bakaji, udia, unua ukuatshika,

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Bienzedi 2:15

Bantu aba ki mbakuatshike maluvu, munudi nuela meji amu to. Tutshidi amu pa diba dia tshitema wa dinda.

1 Korente 11:21

Bualu diakamue panudi nusomba ku mesa, muntu yonsu udi udia lukasalukasa bidiye mufike nabi, mushindu udi bamue bashala ne nzala, banga bakuatshika maluvu.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

1 Tesalonike 5:7

Bualu bantu badi balala tulu butuku, bakuatshika maluvu butuku.

Didimanyisha 17:2

Bakalenga ba matunga bavua benda nende buendenda. Bantu ba pa buloba bavua bakuatshike maluvu a ku buendenda buende bubi.

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.