Yowanane 19:9 - MUKANDA WA MYIDI MUKULU

⁹ Kupinganaye mu nzubu wa bukalenga, bua kuebeja Yezu ne: — Udi mufume penyi? Kadi Yezu kavua muandamune to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ wakabuela kabidi mu nsubu munene wa mukelenge, wakakonka Yesu ne, Wewe Wakufuma kudi kunyi? Kadi Yesu kakamukudimuna dî.

Yowanane 19:9 ပူးပေါင်းရင်းမြစ်များ

Yeshaya 53:7

Bavua bamukengesha, yeye kudipuekesha. Kavua ukandamana. Kavua wamba bualu. Uvua bu muana wa mukoku udibu baya nawu ku tshishipelu. Uvua bu mukoku mu bianza bia badi baukulula boya, kauyi udila.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Matayi 27:27

Basolayi ba Pilate kuya ne Yezu mu lubanza lua mulombodi wa ditunga. Kunguilabu bonsu muaba uvua Yezu.

Luke 23:9

Uvua muele Yezu makonka a bungi. Kadi Yezu kavua muandamune ku dikonka nansha dimue.

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.

Yowanane 18:33

Pilate kupingana mu nzubu wa bukalenga. Kubikilaye Yezu, umukonka ne: — Udi mukalenga wa bena Yuda anyi?

Yowanane 18:34

Yezu kumuandamuna ne: — Udi ungela lukonku elu ku lungenyi luebe, peshi bantu bakuabu mbakuambile malu anyi?

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yowanane 19:10

Ke Pilate kumuamba ne: — Udi ubenga kungandamuna anyi? Kuena mumanye ne: ndi ne bumfumu bua kukulekesha mu lukanu, nansha bua kukupopeshisha ku mutshi mutshiamakane anyi?

Yowanane 19:8

Pilate umvua nanku, bowa bupite bukole kumukuata.

Yowanane 8:14

Yezu kuandamuna ne: — Nansha meme ndijadikila malu anyi, bindi ngamba bidi bilelela. Bualu ndi mumanye kundi mufume, nansha kundi nya. Kadi nuenu kanuena bamanye kundi mufume, nansha kundi nya.

Filipe 1:28

Kanutshinyi baluishi benu nansha kakese. Lejayi bukitu. Bualu ku bukitu buenu ke kualejila Mvidi Mukulu ne: baluishi benu badi babutuka, kadi nuenu nudi nuenda mu njila wa lupandu.

Balombodi 13:6

Mukaji uya kuende, kuambilaye bayende ne: — Muntu wa Mvidi Mukulu mmummuenekele. Uvua bu mutumibue wa Mvidi Mukulu, bualu uvua mukuate bowa bua kumutangila. Tshiena mumukonke muaba udiye ufuma. Kena mungambile dina diende to.