Yowanane 19:6 - MUKANDA WA MYIDI MUKULU

⁶ Kadi bamfumu ba batuangaji ne balami bamumona, kuelabu mbila ne: — Umupopele ku mutshi mutshiamakane! Umupopele ku mutshi mutshiamakane! Pilate kubambila ne: — Muangatayi nuenu nkayenu, numupopele ku mutshi mutshiamakane. Bualu meme tshiena musangane bualu nansha bumue bundi mua kumufundila tshibawu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakamumona bakuidi banene ne tuhalai, bakela mbila ne, Umushihe ku mutshi mutshiamakane, umushihe ku mutshi mutshiamakane. Pilato wakabambila ne, Nuenu nudiangatshileye, numushihe; meme tshiena mumusangane ne dihila.

Yowanane 19:6 ပူးပေါင်းရင်းမြစ်များ

Matayi 26:58

Petro uvua ulonda Yezu pa bule, too ne ku lupangu lua mutuangaji munene. Kubuelaye mu lubanza. Kusombaye pamue ne bena mudimu bavua balama tshiibi, bua kumona muakosabu tshilumbu.

Matayi 27:22

Ke Pilate kubebeja ne: — Kadi Yezu udibu binyika ne: Kristu, ngenze nende tshinyi? Bonsu kuandamuna ne: — Umupopele pa mutshi mutshiamakane!

Matayi 27:24

Pilate umona ne: kumuena mushindu wa kutungunuka, bualu mutoyi wa bantu uvua anu wenda uvulangana, kuangataye mayi, kowaye bianza, bantu batangile, wamba ne: — Tshilumbu tshia lufu lua muntu ewu katshinkuatshi! Buenu bualu!

Luke 23:4

Ke Pilate kuambila bamfumu ba batuangaji, ne bantu bakuabu, ne: — Tshiena musangane bualu nansha bumue, bundi mua kunyokela muntu ewu.

Yowanane 18:3

Yudase kuya mu lupangu alu ne tshisumbu tshia basolayi, kabidi ne tshia balami ba mu nzubu wa Mvidi Mukulu bavua bamfumu ba batuangaji ne Baparushe batume. Bantu abu bavua ne bia myita, bikale kabidi ne bimunyi bia kapia.

Yowanane 18:31

Pilate kubambila ne: — Muangatayi amu nuenu, numulumbuluishe bilondeshile mikenji yenu. Kuandamunabu ne: — Tuetu katuena ne bumfumu bua kushipa muntu to.

Yowanane 18:38

Pilate kumukonka ne: — Bulelela ntshinyi? Pilate mumane kuamba nanku, kupatukaye tshiakabidi pambelu. Kuyaye kudi bena Yuda, ubambila ne: — Tshiena musangane bualu nansha bumue bundi mua kufundila muntu ewu tshibawu to.

Yowanane 19:15

Bobu kuela mbila ne: — Afue! Afue! Umupopele ku mutshi mutshiamakane! Pilate kubakonka ne: — Ndi ne bua kupopela mukalenga wenu ku mutshi mutshiamakane anyi? Bamfumu ba batuangaji kuandamuna ne: — Katuena ne munga mukalenga to, amu mukalenga wa bakalenga.

Yowanane 19:4

Pilate kupatuka tshiakabidi, kuambila bantu ne: — Telejayi. Ndi nnupatuila muntu ewu pambelu, bua numanye ne: tshiena musangane bualu nansha bumue bundi mua kufundila muntu ewu tshibawu.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!