Yowanane 18:4 - MUKANDA WA MYIDI MUKULU

⁴ Yezu uvua mumanye bionsu bivua ne bua kumuenzekela. Ke kusemenaye kuvuabu, kubebeja ne: — Unudi nukeba nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nunku Yesu wakamanya matu onso akadi alua kudiye, wakaya kudibo, wakabakonka ne, Nudi nukeba nganyi?

Yowanane 18:4 ပူးပေါင်းရင်းမြစ်များ

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

Nehemya 6:11

Meme kuandamuna ne: — Meme tshiena mua kunyema to! Kabidi muntu bu mundi emu, ndi mua kubuela muaba wa tshijila kushala ne muoyi anyi? Nansha kakese. Tshiena mua kubuelamu to.

Misambu 27:3

Nansha tshituilu tshijima tshingela munkatshi, tshiena ngumvua bowa. Nansha babanga mvita, ndi nsomba amu talalaa.

Misambu 3:6

Butuku ndi ndala amu bilenga, bualu udi undama too ne mundi mbika dinda.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

Matayi 26:2

— Nudi bamanye ne: tshibilu tshia Dipita dia Maweja-Nangila netshikaleku, papita matuku abidi. Nebafile Muana wa muntu bua bamupopele pa mutshi mutshiamakane.

Matayi 26:21

Pavuabu badia, Yezu kuamba ne: — Ndi nnujadikila bulelela ne: umue wa kunudi neanyile mu tshitungu.

Matayi 26:31

Ke Yezu kuambila balongi bende ne: — Butuku ebu, nenunyeme bonsu, nunshiye nkayanyi. Bualu mu Mikanda ya tshijila mbafunde ne: “Nenshipe mulami wa mikoku, yoyi neitangalake.”

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 13:11

(Yezu uvua mumane kumanya muntu uvua ne bua kumuelela tshitungu. Ke pavuaye wamba ne: “Kanuena bonsu badi kabayi ne manyanu.”)

Yowanane 18:5

Bobu kumuandamuna ne: — Yezu wa mu Nazarete. Yezu kubambila ne: — Ke meme ewu. Yudase mumutungidi wa tshitungu uvua muimane pamue nabu.

Yowanane 18:7

Ke Yezu kubakonka tshiakabidi ne: — Unudi nukeba nnganyi? Kuambabu ne: — Yezu wa mu Nazarete.

Yowanane 19:28

Malu aa mamane kupita, bu muvua Yezu mumanye ne: mpindiewu bionsu mbimane kukumbana, bua kukumbaja miaku ivuabu bafunde mu Mukanda wa tshijila kuambaye ne: — Ndi ne nyota.

Yowanane 6:64

Kadi bamue ba munkatshi muenu kabena bitaba nansha. (Bualu Yezu uvua mudianjile kumanya ku tshibangidilu bavua kabayi bitaba. Uvua mumanye kabidi muntu uvua ne bua kumuyila mu tshitungu.)

Bienzedi 2:28

Wewe kundeja njila uvua mumfikishe ku muoyi. Paudi pabuipi nanyi, ndi ne disanka divule.”

1 Petro 4:1

Nudi bamanye mudi Kristu mumvue makenga mu mubidi. Ke munudi kabidi mua kukolesha muoyi, kuanyisha makenga. Bualu muntu udi umvua makenga mu mubidi, ulama lutuulu, mmubengangane ne bubi kashidi.