Yowanane 18:30 - MUKANDA WA MYIDI MUKULU

³⁰ Kumuandamunabu ne: — Bu yeye kayi muenzayi, katuvua mu kumufila kuudi to.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bakamukudimuna ne, Bu muntu eu kai muenze bualu bubi, katuakadi kumufila mu bianza biebe.

Yowanane 18:30 ပူးပေါင်းရင်းမြစ်များ

Marke 10:33

Uvua ubambila ne: — Telejayi, tukadi tuya ku Yerushalayime. Muaba awu, nebafile Muana wa muntu mu bianza bia batuangaji banene ne balongeshi ba mikenji. Nebamufundile tshibawu tshia lufu, nebamufile mu bianza bia benyi.

Marke 15:3

Bamfumu ba batuangaji bavua basonguela Yezu ne malu a bungi.

Luke 24:7

Uvua munuambile ne: “Badi ne bua kufila Muana wa muntu kudi benji ba malu mabi, bua bamupopele ku mutshi mutshiamakane. Kadi neabiike ku lufu dituku disatu.”

Yowanane 18:29

Ke pavua Pilate, mulombodi wa ditunga mupatukile pa mbelu, muye kudibu. Kubakonkaye ne: — Tshilumbu tshinudi nuasa muntu ewu ntshilumbu kaayi?

Yowanane 18:31

Pilate kubambila ne: — Muangatayi amu nuenu, numulumbuluishe bilondeshile mikenji yenu. Kuandamunabu ne: — Tuetu katuena ne bumfumu bua kushipa muntu to.

Yowanane 19:12

Biangatshile diba adi, Pilate uvua ukeba mushindu wa kutekesha Yezu. Kadi bena Yuda kubanga kuela mbila ne: — Wewe mukopole muntu ewu mu lukanu, kuena mulunda wa mukalenga wa bakalenga to. Muntu yonsu udi udifunyisha ne: ndi mukalenga, mmuluishi wa mukalenga wa bakalenga.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

1 Petro 4:15

Muntu nansha umue wa kunudi kabuedi mu dikenga bua ne: uvua mushipe muntu, muibe, mukengeshe bantu, nansha mubuelakane mu malu a bende.