Yowanane 18:18 - MUKANDA WA MYIDI MUKULU

¹⁸ Kuvua mashika. Nanku bena mudimu ne balami bavua batemesha kapia, bela tshitangu bota. Petro kabidi uvua muimane pamue nabu, wota kapia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bena mudimu ne tuhalai bakadi bimaneku, bamane kutemesha kahia ka makala, bualu bua mashika; bakadi bota, kahia; Petelo kabidi wakadi nʼabo, muimane wota kahia.

Yowanane 18:18 ပူးပေါင်းရင်းမြစ်များ

Genese 49:6

Tshiena musue kubuela mu bifufu bidibu bela. Tshiena musue kubuelakana nabu to. Bualu bavua bashipe bantu bua tshiji. Bavua bakose bibelu bia ngombe milume bua kudisankisha patupu.

1 Bakalenga 19:9

Eliya mumane kufika ku mukuna wa Sinayi, kubuelaye mu lubuebue, kulalamu. Ke Maweja-Nangila kumukonka ne: — Eliya, muaba ewu udi wenza tshinyi?

Misambu 1:1

Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Marke 14:54

Petro uvua ulonda Yezu pa bule. Kubuelaye munda mua lubanza lua nzubu wa mutuangaji munene. Muaba awu, kusombaye ne balami, ota kapia.

Marke 14:67

Kumonaye Petro ota kapia, kumujojaye, umuamba ne: — Wewe kabidi uvua ne Yezu wa mu Nazarete.

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

Yowanane 18:25

Diba adi Simone Petro utshivua wota amu kapia. Kumukonkabu ne: — Wewe kabidi, kuena umue wa ku balongi ba muntu ewu anyi? Kadi Petro kuyila, wamba ne: — To, tshiena wa ku balongi bende nansha.

Yowanane 18:3

Yudase kuya mu lupangu alu ne tshisumbu tshia basolayi, kabidi ne tshia balami ba mu nzubu wa Mvidi Mukulu bavua bamfumu ba batuangaji ne Baparushe batume. Bantu abu bavua ne bia myita, bikale kabidi ne bimunyi bia kapia.

Yowanane 21:9

Bamane kupatuka mu mayi, kumonabu muaba awu kapia katema ne mishipa mitentekapu, kabidi ne diampa.

Bienzedi 4:23

Bamane kubalekela, Petro ne Yowanane kuya kuvua bena ditaba nabu. Kubalondelabu bionsu bivua bamfumu ba batuangaji, ne bakulu ba bena Yuda, bambe.

1 Korente 15:33

Kanudishimi: “Panudi nuenda ne balunda babi, nenunyanguke.”