Yowanane 18:12 - MUKANDA WA MYIDI MUKULU

¹² Diba adi tshisumbu tshia basolayi, mulombodi wabu, kabidi ne balami ba bena Yuda kukuatabu Yezu, kumusuika mionji.

Mukanda wa Nzambi Dihungila Dikulukulu ne Dihungila Dihia-dihia 2003

¹² Masalayi ne kapitene ne tuhalai tua Bena Yuda bakakuata Yesu, bakamusuika,

Yowanane 18:12 ပူးပေါင်းရင်းမြစ်များ

Genese 22:9

Bafika muaba uvua Mvidi Mukulu mumuambile, Abrahame kuenza tshilambuilu, kutekapu nkunyi. Pashishe kusuikaye muanende Izake, kumuteka pa tshilambuilu pamutu pa nkunyi.

Genese 40:3

Kubeleshaye mu nzubu wa lukanu, kua Potifare, mu nzubu muvuabu balamine Yozefe.

Misambu 118:27

— Maweja-Nangila udi Mvidi Mukulu nkayende. Atutokeshe ne butoke buende! — Elayi tshijengu too ne ku tshilambuilu.

Matayi 26:57

Bavua bakuate Yezu, kuyabu kumufila kua Kayifa, mutuangaji munene, mu nzubu muvua balongeshi ba mikenji ne bakulu ba bena Yuda basangile.

Matayi 27:2

Kumusuikishabu mionji, kuyabu nende kua Pilate, muena Rome, uvua mulombodi wa ditunga adi.

Matayi 27:27

Basolayi ba Pilate kuya ne Yezu mu lubanza lua mulombodi wa ditunga. Kunguilabu bonsu muaba uvua Yezu.

Marke 14:53

Kuyabu ne Yezu kua mutuangaji munene. Muaba uvuabu basangile kudi bamfumu bonsu ba batuangaji, bakulu ne balongeshi ba mikenji.

Marke 15:1

Patshiatshia, bamfumu ba batuangaji ne bakulu pamue ne balongeshi ba mikenji kudisangishabu ne bena Tshipangu tshikulu bonsu bua kukosabu tshilumbu. Kusuikabu Yezu mionji, kua kumufila kua Pilate.

Luke 22:54

Kukuatabu Yezu, kuyabu nende mu nzubu wa mutuangaji munene. Petro uvua ubalonda pa bule.

Yowanane 18:3

Yudase kuya mu lupangu alu ne tshisumbu tshia basolayi, kabidi ne tshia balami ba mu nzubu wa Mvidi Mukulu bavua bamfumu ba batuangaji ne Baparushe batume. Bantu abu bavua ne bia myita, bikale kabidi ne bimunyi bia kapia.

Bienzedi 10:1

Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.”

Bienzedi 21:31

Bavua bakeba kushipa Polu. Kadi bantu bakavua bamanyishe mulombodi wa tshisumbu tshia basolayi ba bena Rome ne: Yerushalayime mujima mmutomboke!

Bienzedi 21:37

Pakavuabu bamba kubueja Polu mu nzubu wa basolayi, kulombaye mulombodi wabu ne: — Ndi mua kukuambila bualu anyi? Mulombodi kumuebeja ne: — Udi mumanye muakulu wa bena Ngreke anyi?

Bienzedi 23:10

Matandu kukola kupita. Ke mulombodi wa basolayi kutshina ne: kabavu kusunsula Polu. Kutuminaye basolayi diyi ne: buelayi mu tshipangu, numbushe Polu, nupingane nende mu lupangu luenu.

Balombodi 16:21

Nanku bena Peleshete kumukuata, kumutonkona mesu. Kuyabu nende mu tshimenga tshia Sora. Kumusuikabu ne nkanu mikunze, kumuela mu nzubu wa lukanu. Kumuenzejabu muaba awu mudimu wa kushipula ntete.