Yowanane 18:11 - MUKANDA WA MYIDI MUKULU

¹¹ Kadi Yezu kuambila Petro ne: — Pingaja muele webe mu tshibuubu. Udi wela meji ne: ndi mbenga kunua dikopu dia dikenga didi Tatu mumpeshe anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yesu wakambila Petelo ne, Hingasha muele webe mu luhaha; tshiena nua luhanza luakumpa Tatu, anyi?

Yowanane 18:11 ပူးပေါင်းရင်းမြစ်များ

2 Samuele 16:10

Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

Misambu 75:8

Amu Mvidi Mukulu ke udi ulumbuluisha bantu, upuekesha umue, ubandisha mukuabu.”

Yezekiyele 23:31

Uvua mulonde tshilejilu tshia yayebe. Nanku nenkunuishe dikopu dia tshiji tshianyi, bu mumvua mudinuishe yayebe.

Matayi 20:22

Yezu kuandamuna ne: — Kanuena bajingulule tshinudi nulomba nansha. Dikopu dia dikenga dinganua, nudi mua kudinua anyi? Bobu kumuandamuna ne: — Tudi mua kudinua.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Matayi 26:42

Ke Yezu kuya kutendelela ku luseke musangu muibidi, wamba ne: — Tatu wanyi, bu dikopu edi kadiyi mua kumuka kundi, tshiyi mudinue, bienzeke amu muudi musue!

Luke 12:30

Bualu bantu badi kabayi bamanye Mvidi Mukulu bimpe, ke badi bapite kukeba bia nanku. Kadi nuenu, nudi ne Tatu wenu udi mumanye munudi nubijinga.

Luke 22:42

wamba ne: — Tatu, paudi musue, angumushile dikopu dia dikenga edi. Kadi kabienzeki mundi musue meme, amu muudi musue wewe. [

Yowanane 15:10

Panudi nutumikila mikenji yanyi, nenushale mu dinanga dianyi, mumvua mutumikile mikenji ya Tatu, nshala mu dinanga diende.

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Yowanane 18:36

Yezu kuandamuna ne: — Bukalenga buanyi ki mbua pa buloba to. Bu bukalenga buanyi buikale bua pa buloba, bantu banyi bavua mua kuluangana myita bua kabamfidi mu bianza bia bamfumu ba bena Yuda. Kadi bukalenga buanyi ki mbua pa buloba to.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

2 Korente 6:7

ku malu atudi tulongesha amu pa wowu, ne ku bukole butudi tupeta kudi Mvidi Mukulu. Nanku tshia mvita tshitudi tudisungidila natshi, nansha tshitudi tuluisha natshi bakuabu, ke malu mimpe atudi tuenza, adi Mvidi Mukulu ne bantu mua kuanyisha.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.