Yowanane 17:26 - MUKANDA WA MYIDI MUKULU

²⁶ Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ nakubamanyisha dina diebe, nembamanyishedi kabidi, bua dinanga diwakunnanga nʼadi meme kuikaladi munda muabo, ne meme munda muabo.

Yowanane 17:26 ပူးပေါင်းရင်းမြစ်များ

Misambu 22:22

Umpandisheku mukana mua ntambue, undame bua nsengu ya mbowa kayintapi! Eyowa, wewe kungambuluisha!

Yowanane 14:20

Dituku adi, nenujingulule ne: ndi munda mua Tatu wanyi, nuenu kabidi nudi munda muanyi, meme munda muenu.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 15:4

Shalayi badisange nanyi, bu mundi mumane kudisanga nenu. Katamba pa nkayaku kakena mua kudikuamina tumuma, padiku kakayi ku mutshi. Ke munudi kanuyi mua kukuama bimuma, panudi kanuyi nushala badisange nanyi.

Yowanane 15:9

Ndi mununange mudi Tatu munnange. Shalayi mu dinanga dianyi dindi mununange nadi.

Yowanane 17:23

meme munda muabu, wewe munda muanyi, bua benze tshintu tshimue menemene, bua ba pa buloba bamanye ne: wewe uvua muntume; kabidi ne: udi mubanange muudi munnange.

Yowanane 17:6

Mvua mukumanyishe kudi bantu ba pa buloba bauvua mumushe munkatshi mua bantu bakuabu bua kubampesha. Bavua bebe, wewe kubangambika. Ke bobu kuitaba diyi diebe!

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 6:56

Udi udia mubidi wanyi, unua mashi anyi, udi ne muoyi munda muanyi, meme kabidi ndi ne muoyi munda muende.

Yowanane 8:50

Tshiena ndikebela butumbi nansha. Kadi kudi mukuabu udi ubunkebela, ukosa kabidi nsambu.

Rome 8:10

Padi Kristu munda muenu, nanku, nansha mubidi wenu mufundila lufu, bualu uvua wenza malu mabi, kadi Mueyelu udi uufulula munda muenu. Bualu Mvidi Mukulu uvua munubingishe kumpala kuende.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 12:12

Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Efeze 5:30

bualu tudi bidimba bia mubidi wende.

Efeze 5:32

Miaku eyi idi itumanyisha bualu busokome bupite bunene. Ndi mumone ne: bualu ebu budi butangila Kristu ne Tshisumbu tshia bena ditaba.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 2:10

Nuvua bapete bionsu menemene mu didisanga dienu nende. Kristu udi mfumu wa Diakalenga onsu, ne wa makole onsu a mulu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Ebrewu 2:12

Bualu udi wamba ne: “Eyi! Mvidi Mukulu wanyi, nengambile bana hetu bualu buebe, nenkutumbishe bantu bonsu bateleje.

1 Yone 3:24

Muntu udi utumikila mikenji ya Mvidi Mukulu, udi ushala munda mua Mvidi Mukulu, ne Mvidi Mukulu udi ushala munda muende. Tudi bajadike mudi Mvidi Mukulu ushala munda muetu, bualu mmutupe Mueyelu wende wa Tshijila.