Yowanane 17:23 - MUKANDA WA MYIDI MUKULU

²³ meme munda muabu, wewe munda muanyi, bua benze tshintu tshimue menemene, bua ba pa buloba bamanye ne: wewe uvua muntume; kabidi ne: udi mubanange muudi munnange.

Mukanda wa Nzambi Dihungila Dikulukulu ne Dihungila Dihia-dihia 2003

²³ meme munda muabo, wewe munda muanyi bua bobo kuikala bamue bulelela; bua ba ha buloba bamanye ne, Wewe wakantuma; wewe udi mubasue bu mûdi munsue meme.

Yowanane 17:23 ပူးပေါင်းရင်းမြစ်များ

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 13:35

Panuikala banangangane, nenku bantu bonsu nebanumanye ne: nudi balongi banyi.

Yowanane 14:10

Kuena witaba ne: ndi munda mua Tatu, kabidi Tatu udi munda muanyi anyi? Miaku indi nnuambila buonsu buenu kayena ifuma kundi. Kadi Tatu udi ushala munda muanyi, ke udi ukumbaja midimu yende.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 15:9

Ndi mununange mudi Tatu munnange. Shalayi mu dinanga dianyi dindi mununange nadi.

Yowanane 16:27

Bualu Tatu yeye nkayende udi mununange. Udi mununange, bualu nudi bannange, bitabe kabidi ne: ndi mufume kudi Mvidi Mukulu.

Yowanane 17:11

Tshitshiena kabidi munkatshi mua bantu ba pa buloba. Kadi bobu badi munkatshi muabu. Meme ndi mfika kuudi. Tatu wa Tshijila, ubalame ku bukole bua dina diebe, dina diuvua mumpeshe, bua bikale tshintu tshimue mutudi tuetu, wewe ne meme, tshintu tshimue.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Yowanane 17:26

Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 3:17

Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye.

Yowanane 6:56

Udi udia mubidi wanyi, unua mashi anyi, udi ne muoyi munda muanyi, meme kabidi ndi ne muoyi munda muende.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Filipe 3:15

Tuetu bonsu bakadi bakulumpe mu bualu bua Mvidi Mukulu, ke meji atudi ne bua kuela. Kadi pikala bamue ba kunudi bela meji a mushindu mukuabu, Mvidi Mukulu neanujanduile bualu buonsu patoke.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

Kolose 3:14

Ikalayi nangananga ne dinanga. Ke mukaba udi unusuikakaja bonsu pamue.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

1 Yone 4:19

Kadi tuetu tudi tunangangana, bualu Mvidi Mukulu uvua mudianze kutunanga.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.