Yowanane 17:19 - MUKANDA WA MYIDI MUKULU

¹⁹ Ndi ndifila mujima kuudi bualu buabu, bua bobu kabidi bikale bebe menemene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ndi ndijidila bua bualu buabo, bua bobo kabidi bikale bajidila mu bulelela.

Yowanane 17:19 ပူးပေါင်းရင်းမြစ်များ

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.

Yirmeya 1:5

— Nkavua mukumanye, tshiyi muanji kukufumba munda mua mamuebe. Nkavua mukusungule, kabayi banji kukulela. Nkavua mukufundile mudimu wa kuya kuambila bisamba bionsu miaku yanyi.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 15:13

Dinanga dipite bunene didi muntu mua kuleja ndia kufila muoyi wende bua balunda bende.

Yowanane 15:3

Dilongesha dindi munulongeshe, dikadi dimane kunulengeja.

Yowanane 17:17

Ubajidile mu bulelela, bua bikale bantu bebe wewe menemene. Muaku webe udi mulelela.

Yowanane 17:20

Tshiena ntendelela amu bualu buabu nkayabu to, kadi kabidi bua bonsu balualua kungitaba bua dilongesha diabu.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

2 Korente 4:15

Tudi tuenza bionsu abi bualu buenu, bua bantu, badi bitaba bua Mvidi Mukulu abanange, bavulangane, bamuele tuasakidila, bamutumbishe.

2 Korente 7:14

Mvua muanji kuditemba kakese bualu buenu ku mesu kuende. Nanku kanuena bamfuishe bundu. Bualu bu mutuvua banuambile misangu yonsu amu malu malelela, nansha pamvua muditembe bualu buenu ku mesu a Tite, tshivua mushime to.

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Kolose 1:6

Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Ebrewu 9:13

Mashi a mbuji ya mpumbu, ne a ngombe milume ne butu bua ngombe mukaji moshe, bidibu bamiamina pambidi pa bantu badi ne mikiya, bidi bibumusha mikiya ayi pambidi.

Ebrewu 9:18

Ke pavua ndondu wa kumpala kabidi kayi ne bukole, mashi kaayi manji kumata panshi.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

1 Yone 3:18

Bana banyi, katuena mua kunangangana amu ne mayuki ne miaku bia patupu. Kadi tudi ne bua kuleja dinanga dietu patoke ku bitudi tuenza.

1 Yone 3:3

Muntu yonsu udi windila bualu ebu, mutekemene kudi Kristu, udi udilengeja ku bubi buonsu, bu mudi Yezu Kristu kabidi kayi ne bubi.