Yowanane 17:13 - MUKANDA WA MYIDI MUKULU

¹³ Kadi mpindiewu ndi mfika kuudi. Ndi ngakula nanku pantshidi pa buloba bua bikale ne disanka dianyi, disanka dijima munda muabu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi katataka udi ndua kûdi; udi ngamba malu â ha buloba bua disanka dianyi kukumbanadi munda muabo.

Yowanane 17:13 ပူးပေါင်းရင်းမြစ်များ

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Misambu 126:5

Muntu udi umiamina maminu, wenda udila, neele mbila ya disanka padiye unowa.

Misambu 43:4

Mvidi Mukulu wewe udi disanka dianyi, nensemene ku tshilambuilu tshiebe, nkutumbishe ne lunzenze, bualu wewe ke Mvidi Mukulu wanyi!

Yowanane 13:3

Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Yowanane 15:11

Mvua munuambile nanku bua disanka dianyi dikale munda muenu; kabidi bua disanka dienu dikale dijima.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Yowanane 17:11

Tshitshiena kabidi munkatshi mua bantu ba pa buloba. Kadi bobu badi munkatshi muabu. Meme ndi mfika kuudi. Tatu wa Tshijila, ubalame ku bukole bua dina diebe, dina diuvua mumpeshe, bua bikale tshintu tshimue mutudi tuetu, wewe ne meme, tshintu tshimue.

Yowanane 3:29

Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi.

Yowanane 7:33

Kadi Yezu kuamba ne: — Ntshidi kabidi nenu amu bua matuku utabala ku minu, pashishe nenye kudi uvua muntume.

Bienzedi 13:52

Kadi bena ditaba ba mu Antiyokiya bavua ne disanka, buwule ne Mueyelu wa Tshijila.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

1 Yone 1:4

Tudi tunufundila ebi, bua tusanke, tutshionkomoke.

2 Yone 1:12

Ndi ne malu a bungi akunuambila. Kadi tshiena musue kuafunda pa dibeji ne mayi a mukanda. Ndi ntekemena kufika kuenu aku, bua tuyukidilangane mpala ne mpala, tusanka tutshionkomoka.