Yowanane 17:12 - MUKANDA WA MYIDI MUKULU

¹² Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hanakadi nʼabo, nakubalama mu dina diebe diwakumpa; ne nakabalama, ne kakuakadi umue wakujimina anu muana wa dibutuka, bua kushikisha dî diakadi difunda mu Mukanda wa Nzambi.

Yowanane 17:12 ပူးပေါင်းရင်းမြစ်များ

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 17:6

Mvua mukumanyishe kudi bantu ba pa buloba bauvua mumushe munkatshi mua bantu bakuabu bua kubampesha. Bavua bebe, wewe kubangambika. Ke bobu kuitaba diyi diebe!

Yowanane 18:9

Ke muvuaye ne bua kukumbaja miaku ivuaye mumane kuamba ne: “Tatu, tshiena mujimije muntu nansha umue wa ku bauvua mumpeshe.”

Yowanane 6:37

Muntu yonsu wa ku badi Tatu umpesha neafike kundi. Yonsu udi ufika kundi, tshiakumuipata to.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Filipe 2:9

Ke padi Mvidi Mukulu mumuzangike, mumuinyike dina didi kumpala kua mena makuabu onsu.

2 Tesalonike 2:3

Muntu nansha umue kanudingi. Bualu dituku adi kadiakufika, bantu kabayi banji kutombokela Mvidi Mukulu musangu wa ndekelu, Muena bubi, mufundila dibutuka, kayi muanji kumueneka.

Ebrewu 2:13

Udi wamba kabidi ne: “Nentekemene kudi Mvidi Mukulu.” Kabidi ne: “Ke meme ewu ne bana bavua Mvidi Mukulu mumpeshe.”

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Didimanyisha 19:12

Mesu ende avua engelela bu kapia. Uvua muase bifulu bivule bia bukalenga pa mutu. Bavua bafunde pambidi pende dina didiye yeye nkayende mumanye.