Yowanane 16:20 - MUKANDA WA MYIDI MUKULU

²⁰ Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bulelela, bulelela, ndi nuambila ne, Nenudile, nenujinge, kadi ba ha buloba nebasanke; nenuikale ne kanyinganyinga, kadi kanyinganyinga kenu nekakudimuke disanka.

Yowanane 16:20 ပူးပေါင်းရင်းမြစ်များ

Yobe 20:5

bantu babi kabatu basanka mutantshi mule to. Diakalenga diabu kadiena dinenga nansha.

Misambu 30:11

Maweja-Nangila, teleja, umfuile luse. Maweja-Nangila, ungambuluishe.

Misambu 30:5

Nuenu bantu ba Maweja-Nangila, mutumbishayi ne misambu, numusamune, mwuluke mudiye wa tshijila.

Misambu 97:11

Munya udi utema bua bantu bakane, bantu ba mioyi miakane, bobu badi ne disanka.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Yirmeya 31:25

Bualu badi bapungila ne nyota, nembapeshe mayi a kunua, badi batekete ne nzala, nembadishe.

Matayi 21:38

Kadi bavua ne budimi bamona muana, kuambilanganabu ne: “Ke washala muena budimi wawa. Tuyayi, mmushipe! Nanku netushale ne budimi buende kashidi!”

Matayi 5:4

Bantu badi banyingalala, ke bena diakalenga, bualu Mvidi Mukulu neabasambe!

Marke 14:72

Pa diba adi, tshitala kusama musangu muibidi. Ke Petro kusuluka bisua Yezu mumuambile ne: “Bangabanga ne tshitala kusama misangu ibidi, wewe newikale mumane kunwila misangu isatu ne: tshiena mumumanye to.” Ke Petro kubanga kudila.

Marke 16:10

Mariya kuya kumanyisha lumu alu kudi bavuaye wendakana nabu. Bobu kubungama, kudila kabidi.

Luke 22:45

Yezu mumane kutendelela, kujukaye. Kupinganaye kudi balongi bende, kubasangana balale bua dibungama.

Luke 22:62

Ke Petro kupatuka pambelu, kudila bikole.

Luke 23:27

Bantu ba bungi batua balonda Yezu. Munkatshi muabu mutua bakaji batua badila, batua mikemu bualu buende.

Luke 24:17

Ke Yezu kubebeja ne: — Nudi nuenda nuelangana meji pa bualu kaayi? Balongi kuimana, babungama bikole.

Luke 24:21

Tutua batekemene ne: Yeye ke udi mua kupikula Izrayele. Kadi lelu kukadi matuku asatu adi bionsu abi bimane kuenzeka.

Luke 6:21

“Nuenu badi ne nzala mpindiewu, nudi bena diakalenga, bualu Mvidi Mukulu neanudishe, nuukute! “Nuenu badi badila mpindiewu, nudi bena diakalenga, bualu nenuseke!

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Yowanane 16:6

Kadi mioyi yenu mmiuwule ne dibungama, bualu ndi munuambile malu aa.

Yowanane 20:20

Yeye mumane kubambila nanku, kubalejaye bianza biende ne lubadi luende. Balongi kusanka bikole pamonubu Mfumu.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

1 Tesalonike 1:6

Nuvua bidikije tshituvua benze, ne tshivua Mfumu wenza. Nansha banukengeshe bikole, nuvua bitabe muaku wa Mvidi Mukulu, ne disanka didi Mueyelu wa Tshijila ufila.

Yakobe 1:2

Bana hetu, nudimone bena diakalenga menemene, padi makenga a mishindu yonsu anukuata.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’