Yowanane 15:6 - MUKANDA WA MYIDI MUKULU

⁶ Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Yowanane 15:6 ပူးပေါင်းရင်းမြစ်များ

2 Samuele 23:7

Udi musue kualenga, udi utuika ndami wa tshiamu, nansha musongolu wa mutshi, wosha bionsu muaba awu.

Yobe 15:30

Kena mua kupatuka mu miidima nansha. Neikale bu mutshi udi kapia kosha matamba! Mueyelu wa Mvidi Mukulu neumuipate kule.

Misambu 80:15

Mvidi Mukulu wa bukole buonsu, pingana, mu diulu muudi amu, utangile panshi umone bidi bituenzekela, akuila mutshi wa mvinyo ewu.

Yeshaya 14:19

Kadi wewe mbakuimanshe pambelu, mbakupale lukita bua kukujikamu. Udi mufuanangane ne muana, udibu balela mufuile munda, ukuatshisha bowa. Udi mufuanangane ne tshitalu, tshidibu badiatakaja ku makasa. Mbakubuikile bitalu bia bantu, bavuabu bashipe ku muele. Kadi bobu bavua babajika mu lukita lua mabue,

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yezekiyele 17:9

Nanku, meme Maweja-Nangila Mvidi Mukulu, ndi nkonka ne: “Muonji wa mvinyo ewu udi mua kukola anyi? Nyunyi wa tshiminyi wa kumpala kena mua kujula miji yawu, kunyanga bimuma biawu, bua ntonga yawu mipiamipia ifube anyi? Tshiminyi katshiakukengela bukole bua bungi, nansha bena mudimu basule, bua kujula muonji ewu to.

Matayi 13:41

Muana wa muntu neatume batumibue bende, bua bumushe mu Bukalenga buende bantu bonsu badi babipisha bakuabu, ne benji bonsu ba malu mabi.

Matayi 27:5

Yudase kuimansha nkanu ayi mu nzubu wa Mvidi Mukulu, kumukaye. Pashishe kuyaye kudiowa.

Matayi 3:10

Mbamane kulongolola kasuyi bua kukosela mutshi ku miji. Mutshi onsu udi kauyi ukuama tshimuma tshimpe, nebaukose, bawela mu kapia.

Matayi 7:19

Mutshi onsu udi kauyi ukuama bimuma bimpe, nebaukose, bawele muiku.

Yowanane 15:2

Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Ebrewu 10:27

Diba adi tshitudi mua kuenza kabidi ntshinyi? Amu kuindila ne bowa malu atshidi kumpala, momumue ne: Dikosa dia nsambu, ne kapia kakole kadi ne bua kubutula baluishi ba Mvidi Mukulu.

2 Petro 2:20

Bualu pikala bantu, bavua bamane kupanduka ku malu a bukua panu, bualu bavua bitabe Mfumu ne Musungidi wetu Yezu Kristu, bapingane ku malu abu a kale, baanyishe kabidi, dikenga diabu dia lelu nedipite diabu dia kale.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.