Yowanane 15:22 - MUKANDA WA MYIDI MUKULU

²² Bu meme tshiyi mulue, kabatua mua kupila nansha. Kadi mpindiewu kabena ne pa kubingila bua bubi buabu.

Mukanda wa Nzambi Dihungila Dikulukulu ne Dihungila Dihia-dihia 2003

²² Bu meme tshî mulue, tshî mubambile bualu, kabakadi kuikala ne bubi; kadi katataka kabena ne tshilayidilu tshia bubi buabo.

Yowanane 15:22 ပူးပေါင်းရင်းမြစ်များ

Yezekiyele 2:5

Diba adi, nansha bobu bakuteleje, nansha kabayi bakuteleje, bualu mbantu ba tshitunu, kadi nebamanye ne: muambi udi munkatshi muabu.

Luke 12:46

mfumuende neafike dituku didi muena mudimu awu kayi muelaku meji, ne diba didiye kayi mumanye. Nanku mfumuende neamunyoke bikole, neamuteke muaba wa baluishi ba Mvidi Mukulu.

Yowanane 12:48

Muntu udi umbenga, kayi wanyisha miaku yanyi, udi ne mumuluishi: muaku undi mulongeshe neumupishe dituku dia nshikidilu.

Yowanane 15:23

Muntu udi unkina, mmukine kabidi ne Tatu wanyi.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

Yowanane 16:9

Badi batupakana bua malu mabi, bualu kabena bangitaba.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Yowanane 9:41

Yezu kubandamuna ne: — Bu nuenu bampofu, kanuvua mua kupila. Kadi bu munudi nuamba ne: “Tudi tumona,” nudi nushala bena tshibawu.

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Yakobe 4:17

Nanku muntu udi mumanye bualu buimpe budiye ne bua kuenza, ubenga kubuenza, mmuena tshibawu.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.