Yowanane 15:2 - MUKANDA WA MYIDI MUKULU

² Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Mukanda wa Nzambi Dihungila Dikulukulu ne Dihungila Dihia-dihia 2003

² Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.

Yowanane 15:2 ပူးပေါင်းရင်းမြစ်များ

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 29:19

Maweja-Nangila neavudijile bantu bapuekele disanka. Bantu badiombola ba mu buloba, nebasanke, bualu bua Maweja-Nangila wa tshijila, Mvidi Mukulu wa Izrayele.

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Matayi 13:12

Bualu muntu udi ne tshintu, neapete tshikuabu. Nanku neikale nabi bivule. Kadi udi kayi natshi, nebamunyenge tshikese tshidiye natshi.

Matayi 13:33

Yezu kubelela lusumuinu lukuabu ne: — Bukalenga bua mu diulu mbufuanangane ne buanga bua mampa budi mukaji wangata, usangisha mu bukula kilo makumi abidi ne itanu, bua ditapi dionsu kutuntumukadi.

Matayi 15:13

Yezu kuandamuna ne: — Mutshi onsu udi Tatu wanyi udi mu diulu kayi mukune, nebawujule ne miji yawu.

Matayi 21:19

Kumonaye mutshi wa mfiku ku muelelu wa njila. Kuyaye pabuipi nawu, kusangana anu mabeji. Ke kutshipaye mutshi awu ne: — Wewe kuakukuama kabidi bimuma kashidi! Diakamue mutshi kuumawu.

Matayi 25:29

Bualu muntu yonsu udi ne tshintu, nebamupeshe bikuabu, bua biende bivulangane bipite. Kadi udi kayi ne tshintu, nebamunyenge ne tshikese tshidiye natshi.

Matayi 3:10

Mbamane kulongolola kasuyi bua kukosela mutshi ku miji. Mutshi onsu udi kauyi ukuama tshimuma tshimpe, nebaukose, bawela mu kapia.

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Matayi 7:19

Mutshi onsu udi kauyi ukuama bimuma bimpe, nebaukose, bawele muiku.

Marke 4:20

Kadi bantu bakuabu mbafuanangane ne ntete idibu bamiamina mu buloba buimpe. Ke badi bumvua muaku, bawitaba, bakuama bimuma bamue makumi asatu, bakuabu makumi asambombu banga lukama.

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Yowanane 15:1

— Meme ndi mutshi wa nwinyo menemene. Tatu wanyi ke muena budimi bua nwinyo ebu.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:3

Dilongesha dindi munulongeshe, dikadi dimane kunulengeja.

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Yowanane 15:8

Butumbi bua Tatu wanyi budi bumueneka, panudi nukuama bimuma bivule, kabidi nudileja nanku munudi balongi banyi.

Yowanane 17:12

Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Rome 11:17

Bena Izrayele badi bu mutshi wa olive, udibu balame mu budimi. Kukosabu matamba makuabu a mutshi awu. Wewe muntu wa ku bisamba bikuabu, udi bu ditamba dia mutshi wa olive uvua muitu. Wewe ke ditamba divuabu bakose ku mutshi wa olive awu, bua kudilamika ku mutshi wa olive uvuabu balame mu budimi, pa muaba wa matamba avuabu bakose. Ditamba adi mpindiewu didi dinua mayi ku miji ya mutshi uvuabu bakune mu budimi.

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 13:1

Nansha meme muakule miakulu ya bantu, ne ya batumibue ba Mvidi Mukulu, kadi tshiyi ne dinanga, miaku yanyi idi amu bu ludibu ludi luenza mutoyi, ludila, nansha bu ngonga udi udila.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.