Yowanane 14:2 - MUKANDA WA MYIDI MUKULU

² Mu nzubu mua Tatu wanyi mudi miaba ya bungi ya kusomba. Ndi nya kunulongoluela muaba. Bu bualu ebu kabuyi bulelela, tshivua mua kumuambilabu nansha.

Mukanda wa Nzambi Dihungila Dikulukulu ne Dihungila Dihia-dihia 2003

² Mu nsubu wa Tatu wanyi mudi miaba ya bungi ya kuikala; bu bualu ebu kabui bulelela, nakadi kunuambila; nenye kunulongoluela muaba.

Yowanane 14:2 ပူးပေါင်းရင်းမြစ်များ

Luke 14:22

Ke muena mudimu kupingana, wamba ne: “Mfumu, ndi muenze muonsu muudi muambe. Kadi nkushale kabidi muaba.”

Yowanane 13:33

Bana banyi, ntshidi nenu kabidi amu bua meba makese. Nenunkebe. Kadi ndi nnuambila mpindiewu bimvua muambile bena Yuda ne: kanuena mua kuya kundi nya.

Yowanane 13:36

Simone Petro kumukonka ne: — Mfumu, udi uya penyi? Yezu kumuandamuna ne: — Kuena mua kundonda mpindiewu muaba undi nya to. Kadi neundonde pashishe.

Yowanane 14:28

Nuvua bumvue nnuambila ne: “Nkadi ngumuka, kadi nempingane kunudi.” Panuikala bannange, nenusanke panudi numanya ne: ndi nya kudi Tatu. Bualu Tatu udi mumpite ku bunene.

Yowanane 16:4

Kadi ndi nnuambila malu aa bua padi tshikondu tshifika tshidibu benza nanku, mwuluke ne: mvua mumane kunuambila. — Tshivua munuambile malu aa ku tshibangidilu, bualu ntshivua nenu.

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Bienzedi 9:16

Nemmuleje muonsu muakengaye bua dina dianyi.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

1 Tesalonike 5:9

Bualu Mvidi Mukulu kavua mutusungule bua kuhkengesha ne tshiiji, kadi amu bua tupete lupandu kudi Mfumu wetu Yezu Kristu.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Ebrewu 11:10

Bualu Abrahame uvua mutekemene tshimenga tshivua ne tshitaku tshishindame tshidi Mvidi Mukulu muase bilondeshile meji ende.

Ebrewu 13:14

Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 9:8

Nenku, Mueyelu wa Tshijila udi uleja ne: patshidi ntenta wa tshijila muikaleku, kabena banji kunzulula njila wa kubuela muaba wa tshijila menemene.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.