Yowanane 14:18 - MUKANDA WA MYIDI MUKULU

¹⁸ Tshiena mua kunushiya nkayenu to. Nempingane tshiakabidi kunudi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Tshiena nushîa bana ba nshîe, nempingane kunudi.

Yowanane 14:18 ပူးပေါင်းရင်းမြစ်များ

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Muadi 5:3

Batatu mbafue. Mpindiewu tudi bashale bana ba nshiya. Bamamuetu mbashale bakaji bakamba.

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Matayi 18:20

Bualu, muaba udi bantu babidi nansha basatu badisangisha mu dina dianyi, meme ndi munkatshi muabu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yowanane 14:16

Nendombe Tatu bua anupe udi mua kunuambuluisha, Mueyelu wa bulelela bua wikale nenu kashidi.

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Yowanane 16:16

— Kunyima kua katupa kanuakummona to. Pashishe kunyima kua katupa nenummone kabidi.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Ebrewu 2:18

Mpindiewu udi mua kuambuluisha bantu badibu bateta, bualu yeye mene batata bamuteta, kabidi uvua mumvue makenga.