Yowanane 14:16 - MUKANDA WA MYIDI MUKULU

¹⁶ Nendombe Tatu bua anupe udi mua kunuambuluisha, Mueyelu wa bulelela bua wikale nenu kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nendombe Tatu, yeye neanuhe Musambi mukuabo, ikale nʼenu tshiendelele,

Yowanane 14:16 ပူးပေါင်းရင်းမြစ်များ

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yowanane 14:14

Panudi nundomba tshintu mu dina dianyi, nentshienze.

Yowanane 14:18

Tshiena mua kunushiya nkayenu to. Nempingane tshiakabidi kunudi.

Yowanane 14:26

Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Yowanane 16:22

Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Yowanane 17:15

Tshiena nkulomba bua ubumushe panu, kadi bua ubepule kudi Muena bubi.

Yowanane 17:20

Tshiena ntendelela amu bualu buabu nkayabu to, kadi kabidi bua bonsu balualua kungitaba bua dilongesha diabu.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Bienzedi 1:4

Dituku dikuabu, pavuaye usomba nabu ku mesa, kubakandikaye ne: — Kanumuki mu Yerushalayime. Kadi nuindile dipa dimvua munumanyishe, divua Tatu mulaye.

Bienzedi 13:52

Kadi bena ditaba ba mu Antiyokiya bavua ne disanka, buwule ne Mueyelu wa Tshijila.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Rome 8:34

Nanku udi mua kubapisha nnganyi? Muntu nansha umue! Bualu Yezu Kristu mmufue, mubike kabidi. Udi ku dia bukole dia Mvidi Mukulu, utuakuila.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Filipe 2:1

Nukadi nuitaba Kristu, bakolelamu. Kristu udi ununanga, unukolesha ku muoyi. Nudi badisange ne Mueyelu wa Tshijila. Nudi nuenzelangana bimpe, nufuilangana luse.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

2 Yone 1:2

Bualu bulelela budi munda muetu. Nebushale kabidi netu kashidi.