Yowanane 13:8 - MUKANDA WA MYIDI MUKULU

⁸ Petro kumuamba ne: — To, katshia kuena mua kungowesha mayi ku makasa nansha! Yezu kumuandamuna ne: — Meme tshiyi mukuoweshe mayi ku makasa, kuena mua kupeta kabidi tshintu nansha tshimue kundi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Petelo wakamuambila ne, Nasha, tô ne tshiendelele wewe kungoweshi makasa. Yesu wakamuandamuna ne, Bingikala tshî mukuoweshe, kuena nʼanyi luseke lumue.

Yowanane 13:8 ပူးပေါင်းရင်းမြစ်များ

Genese 42:38

Yakobe kubenga, wamba ne: — Kanuena nuya ne Binyamine wanyi to. Muanabu ukadi mufue. Yeye ke undi mushale nende. Bu yeye mupete dikasa dibi, panudi nuya nende apu, nenunshipeshe meme mukulumpe bua kanyinganyinga ka lufu luende.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Matayi 16:22

Ke Petro kuya nende ku luseke, kutuadija kumutandisha, wamba ne: — Mfumu, Mvidi Mukulu akuepule ku bualu ebu! Bualu bua nanku kabinuenzekedi!

Matayi 21:29

Muana kubenga ne: “Tshiena musue to.” Kadi pashishe kunyingalalaye bua miaku yende ayi, kuyaye mu budimi.

Matayi 26:33

Ke Petro kumuandamuna ne: — Nansha bonsu banyema, bakushiya, kadi meme tshiakunyema to.

Matayi 26:35

Petro kumuambila ne: — Kashidi tshiakukuvila ne: tshiena mumumanye to. Nansha bua lufu, netufue nebe. Balongi bakuabu bonsu kuamba kabidi amu nanku.

Yowanane 13:6

Yezu ufika kudi Simone Petro, awu kumukonka ne: — Mfumu, udi ukeba kungowesha mayi ku makasa anyi?

Yowanane 13:9

Simone Petro kumuandamuna ne: — Nanku, Mfumu, kungoweshi anu ku makasa nkayaku to! Ungoweshe kabidi ku bianza ne ku mutu!

Yowanane 3:5

Yezu kuandamuna ne: — Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

Kolose 2:23

Bushuwa mikenji eyi ya kutendelela batumibue, ya kudipuekesha, ya kukengehsa mubidi, idi imueneka bu ya meji. Kadi kayena ne mushinga nansha mukese, bualu idi isankisha amu bumuntu buetu.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.