Yowanane 13:31 - MUKANDA WA MYIDI MUKULU

³¹ Yudase mumane kupatuka, Yezu kuamba ne: — Mpindiewu butumbi bua Muana wa muntu budi bumueneka patoke. Butumbi kabidi bua Mvidi Mukulu nebudileje kudiye.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Hakumuka Yudasa, Yesu wakamba ne, Katataka Muana wa muntu udi mutumbishibue, ne Nzambi udi mutumbishibue bua bualu buandi;

Yowanane 13:31 ပူးပေါင်းရင်းမြစ်များ

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Luke 12:50

Badi ne bua kuntua mu mayi. Nenkenge bikole, too ne ku diba diakumbana bualu ebu.

Yowanane 11:4

Yezu mumane kumvua lumu elu, kuambaye ne: — Disama dia Lazare ki ndia lufu to. Didi bua kuleja mudi bukole bua butumbi bua Mvidi Mukulu, kabidi bua kutumbisha Muana wa Mvidi Mukulu.

Yowanane 12:23

Yezu kubandamuna ne: — Diba ndimane kukumbana mpindiewu didi bantu ne bua kutumbisha Muana wa muntu.

Yowanane 12:28

Tatu, tumbisha dina diebe! Kumvuabu diyi difumina mu diulu ne: — Ndi mumane kuditumbisha, nenditambishe tshiakabidi.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Yowanane 16:14

Neuntumbishe, bualu neupete bidi kundi bua kunumanyishabi.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Bienzedi 2:36

Nuenu bena Izrayele bonsu, nujadike ne: Yezu ewu, unuvua bapopele pa mutshi mutshiamakane, ke yeye udi Mvidi Mukulu muteke Mfumu ne Kristu!

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Efeze 1:12

Nanku tutumbishayi Mvidi Mukulu bua buneme buende, bualu tuetu ke bavua badianza kutekemena kudi Kristu!

Efeze 2:7

Bionsu abi nebimueneke patoke mu matuku adi kumpala. Diba adi dinanga diende dinene dipite nedidileje patoke, bualu bua bidiye mutuenzele munda mua Yezu Kristu.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.