Yowanane 13:21 - MUKANDA WA MYIDI MUKULU

²¹ Yezu mumane kuamba nanku, kulubakanaye bikole. Kuambilaye balongi bende ne: — Ndi nnujadikila ne: umue wa kunudi neantungile tshitungu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Hakamba Yesu nunku, mutshima wandi wakanema bujitu, wakamba ne, Bulelela, bulelela, ndi nuambila ne, Umue wenu neantungile tshitungu.

Yowanane 13:21 ပူးပေါင်းရင်းမြစ်များ

Matayi 26:21

Pavuabu badia, Yezu kuamba ne: — Ndi nnujadikila bulelela ne: umue wa kunudi neanyile mu tshitungu.

Matayi 26:38

Nanku kubambilaye ne: — Muoyi wanyi udi ne dibungama dia lufu. Shalayi apa. Kanuladi tulu to. Tuikale batabale bonsu.

Marke 14:18

Pavuabu badia ku mesa, Yezu kuamba ne: — Ndi nnujadikila ne: umue wa kunudi, utudi tudia nende, neantungile tshitungu.

Marke 3:5

Yezu kubatangila bonsu ne tshiji, uvua kabidi ne kanyinganyinga bua muoyi mubi uvuabu nawu. Ke kuambilaye muntu awu ne: — Olola tshianza thiebe. Muntu kutshiolola, kuakanatshi.

Yowanane 11:33

Yezu umona muvua Mariya udila, kabidi umvua bena Yuda bavuaye muvue nabu badila, kubungamaye bikole, ubinduluka.

Yowanane 11:35

Ke Yezu kudila.

Yowanane 11:38

Yezu kuwula tshiakabidi ne tshinyongopelu tshikole. Kuyaye ku lukita luvuabu bumbula mu lubuebue, babuikila ku mushiku ne dibue.

Yowanane 12:27

— Mpindiewu muoyi udi undubakana. Nengambe tshinyi? Nengambe ne: Tatu unsungidile ku bidi ne bua kuenzeka diba edi anyi? Kadi tshindi mufikile panu tshidi nangananga bua kupitshila mu diba edi dia makenga.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

Yowanane 13:22

Balongi kutangilangana, kabayi mua kumanya uvuaye wamba.

Bienzedi 17:16

Patshivua Polu mu Atene, muindile Silase ne Timote, uvua ne kanyinganyinga pa kumona mu tshimenga tshijima mpingu mivule ya kutendelela nayi nwidie.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.