Yowanane 13:19 - MUKANDA WA MYIDI MUKULU

¹⁹ Ndi udianjila kunuambila bualu ebu mpindiewu kabuyi buanji kuenzeka, bua penzekabu nuitabe ne: “Meme ndi mundi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Katataka ndi mbanga kunuambila bualu budi kabui buanze kulua, bua, haluabu, nuenu nuitabushe ne, Meme nyeye.

Yowanane 13:19 ပူးပေါင်းရင်းမြစ်များ

Yeshaya 41:23

Eyowa, tuambilayi malu avuavua kuenzeka bidimu bidi kumpala. Nanku netumanye bushiwa, munudi nuudie milelela. Enzayiku, nansha malu mimpe nansha mabi, bua tuetu kujadika munudi mvidie, tushale kunutshina.

Yeshaya 43:10

Maweja-Nangila udi wamba ne: Bajadiki ba malu anyi, ke nuenu bantu banyi. Nudi bena mudimu banyi, bandi musungule. Dijinga dianyi didi ne: numanye, nuitabe, nujingulule ne: Meme ndi nganyi. Kumpala kuanyi, kakuvua mvidie, panyima panyi, kakuakuikala mvidie mukuabu.

Yeshaya 48:5

Meme kudianza kukuambila malu aa onsu, kaayi manji kukukuata. Meme kukulejawu, kaayi manji kumueneka. Nanku kuambi ne: “Lupingu luanyi ke ludi luenza bualu ebu. Mvidie wanyi wa mutshi, nansha wa tshiamu tshikunze, ke udi ukumbaja bualu ebu.”

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Matayi 11:3

bua kumukonka ne: — Wewe ke utuvua bamanye ne: udi ufika, anyi tuindile mukuabu?

Matayi 24:25

Ke meme awu nnumanyisha malu aa, kaayi manji kuenzeka!

Luke 21:13

Tshikondu atshi ke tshinudi mua kujadikila bantu bimvua munuambile.

Yowanane 1:15

Yowanane ke uvua muambile bantu bualu buende. Uvua muele diyi dikole ne: — Yeye ewu ke umvua muambe ne: “Muntu neafike panyima panyi udi muntambe meme, bualu kabayi banji kundela, yeye ukavuaku.”

Yowanane 14:29

Ndi mumane kunuambilabi mpindiewu kabiyi bianji kuenzeka, bua padibi bienzeka, nuitabe.

Yowanane 16:4

Kadi ndi nnuambila malu aa bua padi tshikondu tshifika tshidibu benza nanku, mwuluke ne: mvua mumane kunuambila. — Tshivua munuambile malu aa ku tshibangidilu, bualu ntshivua nenu.

Yowanane 4:26

Yezu kumuandamuna ne: — Ke meme udi wakula nebe ewu.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.