Yowanane 13:18 - MUKANDA WA MYIDI MUKULU

¹⁸ Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

Yowanane 13:18 ပူးပေါင်းရင်းမြစ်များ

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

Yirmeya 41:2

Ishemayele kujuka musangu umue, ne bantu bavua bamufila, kutapabu Ngedaliya ne muele, kumushipa. Yeye ke uvua mukalenga wa Babilone muteke bua kulombola ditunga dia Yuda.

Matayi 10:36

Baluishi ba muntu nebikale anu bena diku diabu.

Matayi 26:21

Pavuabu badia, Yezu kuamba ne: — Ndi nnujadikila bulelela ne: umue wa kunudi neanyile mu tshitungu.

Matayi 26:23

Yezu kuandamuna ne: — Utuvua bele nende tshianza mu dilongu dimue, ke yeye wampangila.

Marke 14:17

Dilolu, Yezu kufika ne balongi dikumi ne babidi.

Marke 14:18

Pavuabu badia ku mesa, Yezu kuamba ne: — Ndi nnujadikila ne: umue wa kunudi, utudi tudia nende, neantungile tshitungu.

Marke 14:20

Yezu kubandamuna ne: — Mmuntu umue wa ku nuenu dikumi ne babidi, utudi tutua nende diampa diende mu dilongu disalame.

Luke 22:21

Kadi monayi: muntu udi mungelele tshitungu udi muaba ewu. Tudi nende ku mesa.

Yowanane 13:21

Yezu mumane kuamba nanku, kulubakanaye bikole. Kuambilaye balongi bende ne: — Ndi nnujadikila ne: umue wa kunudi neantungile tshitungu.

Yowanane 13:22

Balongi kutangilangana, kabayi mua kumanya uvuaye wamba.

Yowanane 13:26

Yezu kuandamuna ne: — Nenzabike tshipese tshia diampa mu nsupu. Muntu ungatshipesha awu nyeye. Yezu kuangata tshipese tshia diampa, kutshizabikaye mu nsupu, kutshipesha Yudase muana wa Simone Iskariyote.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:19

Bu nuenu bikale ba pa buloba, ba pa buloba batua mua kununanga bu bana babu. Kadi mvua munusungule, munusomone munkatshi mua ba pa buloba, bualu kanuena ba pa buloba to. Ke padi ba pa buloba banukina.

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

Yowanane 17:12

Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Yowanane 18:32

Ke muvua Yezu mukumbaje diyi divuaye muambe, divua dileja bantu mushindu uvuaye ne bua kufua.

Yowanane 19:24

Basolayi kuambilangana ne: — Katupandi muntumpu ewu to. Kadi tutshinke bua kumanya ne: udi mua kuwangata nnganyi? Ebi bivua bienzeka bua kukumbaja miaku ivuabu bafunde mu Mukanda wa tshijila ne: “Bavua babanyangana bilamba bianyi, batshinka uvua mua kuangata tshilamba tshianyi.” Ke muvua basolayi benza nanku.

Yowanane 19:36

Bivua bienzeka nanku bua miaku ikumbane ivuabu bafunde mu Mukanda wa tshijila ne: “Kabena mua kutshibula mufuba wende nansha umue.”

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Bienzedi 1:16

— Bana betu, miaku idibu bafunde mu Mikanda ya tshijila ivua ne bua kukumbana. Mueyelu wa Tshijila uvua mudianjile kumanyisha mukana mua Davide malu a Yudase, muludiki wa bantu bavua bakuate Yezu.

Bienzedi 1:2

too ne ku dituku divuabu bamuambule mu diulu. Bangabanga ne kubandamu, uvua mumanyishe bapostolu, bavuaye musungule ku bukole bua Mueyelu wa Tshijila, bivuabu ne bua kuenza.

2 Korente 4:5

Bualu patudi tulongesha, katuena tudimanyisha tuetu to. Tudi mmanyisha Yezu Kristu bu Mfumu. Tuetu tudi amu bantu badi banukuatshila mudimu ku disua diende.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.