Yowanane 13:14 - MUKANDA WA MYIDI MUKULU

¹⁴ Pangikala meme Mulongeshi kabidi Mfumu munoweshe mayi ku makasa, nuenu kabidi nudi ne bua kuoweshangana mayi ku makasa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Meme Mukelenge ne Muyishi, bingikala munuoweshe makasa, mbimpe nuenu nuoweshangane makasa.

Yowanane 13:14 ပူးပေါင်းရင်းမြစ်များ

Yowanane 11:2

(Mariya ewu ke mukaji uvua muele Mfumu manananshi ku makasa, muakupule ne nsuki yende. Nunku muanabu Lazare ke uvua usama).

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

1 Korente 12:3

Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

1 Korente 8:13

Nanku pikala biakudia bilenduisha muanetu, kashidi tshiena mua kudia kabidi munyinyi, bua tshifikishi muanetu ku bubi.

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

1 Timote 5:10

Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

1 Petro 4:1

Nudi bamanye mudi Kristu mumvue makenga mu mubidi. Ke munudi kabidi mua kukolesha muoyi, kuanyisha makenga. Bualu muntu udi umvua makenga mu mubidi, ulama lutuulu, mmubengangane ne bubi kashidi.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”