Yowanane 13:11 - MUKANDA WA MYIDI MUKULU

¹¹ (Yezu uvua mumane kumanya muntu uvua ne bua kumuelela tshitungu. Ke pavuaye wamba ne: “Kanuena bonsu badi kabayi ne manyanu.”)

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yeye wakamanya wamutungila tshitungu; ebu mbualu buakuambidileye ne, Buonso buenu kanuena batoke.

Yowanane 13:11 ပူးပေါင်းရင်းမြစ်များ

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

Yowanane 13:21

Yezu mumane kuamba nanku, kulubakanaye bikole. Kuambilaye balongi bende ne: — Ndi nnujadikila ne: umue wa kunudi neantungile tshitungu.

Yowanane 13:26

Yezu kuandamuna ne: — Nenzabike tshipese tshia diampa mu nsupu. Muntu ungatshipesha awu nyeye. Yezu kuangata tshipese tshia diampa, kutshizabikaye mu nsupu, kutshipesha Yudase muana wa Simone Iskariyote.

Yowanane 17:12

Pamvua pamue nabu, mvua mubalame ku bukole bua dina diebe, dina diuvua mumpeshe. Mvua mubalame, nansha umue wa kudibu ki mmujimine to, pa kumusha uvua ne bua kujimina bua miaku ikumbane ivuabu bafunde mu Mukanda wa tshijila.

Yowanane 18:4

Yezu uvua mumanye bionsu bivua ne bua kumuenzekela. Ke kusemenaye kuvuabu, kubebeja ne: — Unudi nukeba nnganyi?

Yowanane 2:25

Kasua ukengela bua bamujinguluile malu a bantu. Bualu Yeye nkayende usua mumanye malu adi munda muabu.