Yowanane 12:44 - MUKANDA WA MYIDI MUKULU

⁴⁴ Yezu kuela diyi dikole ne: — Muntu udi ungitaba, kena ungitaba nkayanyi, kadi udi witaba kabidi uvua muntume.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Yesu wakela dî diandi bikole ne, Udi ungitabusha meme kena ungitabusha meme nkayanyi, udi witabusha ne wakuntuma kabidi.

Yowanane 12:44 ပူးပေါင်းရင်းမြစ်များ

Matayi 10:40

— Muntu udi unuakidila, udi ungakidila meme. Udi ungakidila, udi wakidila ewu udi muntume.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Marke 9:37

— Muntu udi wakidila umue wa ku bana bakese aba mu dina dianyi, udi ungakidila meme. Muntu udi ungakidila, kena ungakidila amu meme, udi wakidila kabidi uvua muntume.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

Yowanane 7:28

Diba adi Yezu uvua ulongesha mu nzubu wa Mvidi Mukulu. Kuelaye diyi dikole ne: — Nuenu nudi baajingulule meme, bamanye menemene kundi mfuma anyi? Tshiena mudivuile mu dina dianyi to. Kadi uvua muntume, nudi mua kutekemena kudiye. Nuenu kanuena bamumanye.

Yowanane 11:43

Yezu mumane kuamba nanku, kuelaye diyi dikole ne: — Lazare, patuka!

Nsumuinu 8:1

Kanuena bumvua anyi? Meji adi ela lubila. Lungenyi ludi luela diyi dikole.

Nsumuinu 1:20

Meji adi ela diyi mu misesu, akula bikole mu bisalu.

Marke 9:23

Yezu kumuambila ne: — Udi wamba ne: bu wewe musue! Kadi bionsu bidi biteketela muntu udi ne ditaba.