Yowanane 12:13 - MUKANDA WA MYIDI MUKULU

¹³ Kuangatabu malala a mabue, kuyabu kumuakidila, bela mbila ne: — Tutumbishayi Mvidi Mukulu! Mvidi Mukulu ele muntu udi ulua mu dina dia Maweja-Nangila lupemba! Mvidi Mukulu ele mukalenga wa Izrayele lupemba!

Mukanda wa Nzambi Dihungila Dikulukulu ne Dihungila Dihia-dihia 2003

¹³ bakangata malala a mabue, bakaluhuka bua kusangila nʼandi, bakela mbila ne, Hosana; udi ulua mu dina dia Mukelenge, Mukelenge wa Isalele mene, udi ne disanka.

Yowanane 12:13 ပူးပေါင်းရင်းမြစ်များ

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Lewitiki 23:40

Lumingu alu lujima, kutuadija ku dituku dia kumpala, nupole bimuma, nukose matamba a mitshi, nutape malala ne ntupu. Nuende ngendu ya mazengu lumingu lujima kumpala kuanyi meme Maweja-Nangila.

Sefanya 3:15

Maweja-Nangila mmukujimijile bubi buebe. Maweja-Nangila, mukalenga wa Izrayele, udi munkatshi muenu, mmunuipatshile baluishi benu. Nanku kanuena ne bua kutshina tshintu nansha tshimue.

Matayi 23:39

Ndi nnujadikila ne: kutuadija ku mpindiewu, kanuakummona kabidi, too ne panuela mbila ne: “Udi uvua mu dina dia Maweja-Nangila, Mvidi Mukulu amuele lupemba!”

Matayi 27:42

— Yeye ewu uvua musungidile bantu bakuabu. Kadi kena mua kudisungidila bua tshinyi? Yeye kena mukalenga wa Izrayele anyi? Atuluke mpindiewu ku mutshi mutshiamakane, netumuitabe!

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 12:14

Yezu kusangana muana wa nyama wa mpunde, kubandapu! Mudibu bafunde mu Mukanda wa tshijila ne:

Yowanane 12:15

“Bena Siyone, kanutshinyi! Tangilayi, ke mukalenga wenu udi ufika! Mmusombe pa muana wa nyama wa mpunde.”

Yowanane 19:15

Bobu kuela mbila ne: — Afue! Afue! Umupopele ku mutshi mutshiamakane! Pilate kubakonka ne: — Ndi ne bua kupopela mukalenga wenu ku mutshi mutshiamakane anyi? Bamfumu ba batuangaji kuandamuna ne: — Katuena ne munga mukalenga to, amu mukalenga wa bakalenga.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.