Yowanane 11:54 - MUKANDA WA MYIDI MUKULU

⁵⁴ Ke pavua Yezu katshiyi wendakana kabidi patoke munkatshi mua bena Yuda to. Kuyaye mu ditunga divua pabuipi ne tshipela, mu musoku uvuabu binyika ne: Efrayime. Kushalayemu ne balongi bende.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁴ Bua bualu ebu Yesu kakendakana munkatshi mua Bena Yuda kabidi; wakumukaku, wakaya mu luseke luakadi hehi ne tshihela, ku musoko dina diau Efelayima; wakalalaku ne bayidi.

Yowanane 11:54 ပူးပေါင်းရင်းမြစ်များ

2 Samuele 13:23

Bidimu bibidi bimane kupita, dituku dikuabu, Absalome uvua ne bakoshi ba miosa ya mikoku ku nzubu kuende ku musoku wa Baale-Ashore, pabuipi ne tshimenga tshia Efrayime. Kubikidishaye bana ba mukalenga Davide bonsu.

2 Kulondolola 13:19

Abiya kulonda Yerobowame, kumunyenga bimenga ebi: Betele, Yeshana ne Efrone, kumunyenga kabidi ne misoku ivua nabi mutumba.

Yowanane 10:40

Yezu kuya tshiakabidi dishiya dia musulu wa Yardene, muaba uvua Yowanane mudianjidile kutua bantu mu mayi. Kusombayemu.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.

Yowanane 7:1

Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa.

Yowanane 7:10

Bana babu ne Yezu bamane kuya ku tshibilu atshi, Yezu kabidi kuyamu mu musokoku, kayi musue kudileja kudi bantu.

Yowanane 7:13

Kadi kakuvua muntu nansha umue uvua umutela patoke, bualu bavua batshina bamfumu ba bena Yuda.

Yowanane 7:4

Muntu kena usokoka bidiye wenza padiye musue bua bamumanye. Bu muudi wenza midimu minene nanku, enza bua bantu bonsu bakumone.