Yowanane 11:51 - MUKANDA WA MYIDI MUKULU

⁵¹ (Kavua muambe nanku ku meji ende yeye nkayende. Kadi bu muvuaye mutuangaji munene tshidimu atshi, Mvidi Mukulu uvua mumuakuishe ne: Yezu uvua ne bua kutuila tshisamba tshia bena Yuda,

Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Yeye kakadiambila dî edi; kadi bualu bua yeye wakadi ha mutu ha bakuidi tshidimu atshi, wakamba bualu buakadi kabui buanze kulua ne, Yesu neafuile tshisamba tshietu;

Yowanane 11:51 ပူးပေါင်းရင်းမြစ်များ

Ekesode 28:30

Wewe Moshe, ubueje Urime ne Tumime mu tshilamba tshia pa tshiadi, tshia kuvuala pa kulumbulula. Arone ikale uvuala bintu abi misangu yonsu padiye wimana kumpala kuanyi meme Maweja-Nangila, bua kumanya tshindi musue kuenzela bena Izrayele.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Dibadika 22:28

Nanku Maweja-Nangila kuakuisha mpunde, webeja Balaame ne: — Tshimvua muenze bua wewe kuntuuta misangu isatu ntshinyi?

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Yowanane 11:49

Umue wa kudibu, diende Kayifa, uvua mutuangaji munene tshidimu atshi, kubambilaye ne: — Kanuena bajingulule bualu nansha bumue to!

Yowanane 18:13

Kuyabu nende bangabanga kua Anase. Anase uvua tatuende muenu wa Kayifa, uvua mutuangaji munene tshidimu atshi.

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.