Yowanane 11:41 - MUKANDA WA MYIDI MUKULU

⁴¹ Bantu kumusha dibue. Yezu utangila mulu, kuamba ne: — Tatu, ndi nkuela tuasakidila, bualu uvua munteleje.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Bakumusha dibue. Yesu wakabandisha mesu mulu, wakamba ne, Tatu, ndi nkusakidila bua wewe wakunvua dî dianyi.

Yowanane 11:41 ပူးပေါင်းရင်းမြစ်များ

Misambu 123:1

Musambu wa bena ngendu. Mesu anyi mmatangile kuudi, wewe Maweja-Nangila udi musombe pa kuasa wa bumfumu mu diulu.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 11:26

Eyowa, Tatu, ke muuvua musue ne: bienzeke nanku.

Matayi 27:60

Pashishe kulongaye tshitalu atshi mu lukita luende lupialupia, luvuaye mumbuishe mu lubuebue. Kubungulujaye dibue dinene bua kubuikila mushiku wa lukita, kuyaye.

Marke 15:46

Yozefe kusumba tshilamba tshia kudibuikila tshia buanda bua mitshi, kutululaye tshitalu tshia Yezu ku mutshi mutshiamakane, kutshijingilaye tshilamba tshia kudibuikila, kutshilonga mu lukita luvuabu bumbule mu lubuebue. Pashishe kubungulujaye dibue dinene bua kubuikila ku mushiku wa lukita.

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Luke 24:2

Kusanganabu muvuabu bamane kumusha dibue ku mushiku wa lukita.

Yowanane 11:22

Kadi ndi mumanye ne: nansha mpindiewu, Mvidi Mukulu neakupe tshionsu tshiwamulomba.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 20:1

Dituku dia lumingu patshiatshia, Mariya wa ku Magdala kuya ku lukita, panshi patshivua pafike. Kusanganaye bamane kumusha dibue ku mushiku wa lukita.

Bienzedi 7:55

Kadi Stefane, muwule ne Mueyelu wa Tshijila, kutangila mulu, kumona butumbi bua Mvidi Mukulu, ne Yezu muimane ku dia bukole dia Mvidi Mukulu.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.